كـتـاب ألموقع

اجتثاث الطائفية// محمد علي محيي الدين

• 

تقييم المستخدم:  / 0

سيئجيد 

المجموعة: محمد علي محي الدين

تم إنشاءه بتاريخ الإثنين, 10 تموز/يوليو 2017 11:18

كتب بواسطة: محمد علي محيي الدين

الزيارات: 2365

الموقع الفرعي للكاتب

اجتثاث الطائفية

محمد علي محيي الدين

الاجتثاث يعني الاقتلاع من الجذور، ولكن هل يمكن اقتلاع شيء بقرار فوقي أو ببيان مكتوب على الورق دون توفير الأرضية المناسبة لتطبيقه. فقد قام النظام المقبور بمحاولة اجتثاث الفكر الوطني التقدمي، إلا أنه عجز عن ذلك، وما أن سقط ذلك النظام المرعب، حتى ظهرت القوى الوطنية الخيرة، رافعة رايات النصر على نظام عمل المستحيل من أجل تشويهها والإساءة إليها، فظهر للناس بطلان دعاواه.

وأصدر رجال العهد الجديد قرارهم اجتثاث البعث، ولكن القرار ضم في طياته بوادر بطلانه، إذ أخذ البريء بجريرة المذنب وخلطت الأوراق. فقد أريد بهذا القرار اجتثاث الفكر الصدّامي، وكل فكر تسلطي، ولكن الخلط العجيب فيه أدى إلى فشله.

ومن الذيول التي رافقت رياح التغيير في العراق بروز الفكر الطائفي المقيت الذي روجت له القوى الساعية الى تمزيق وحدة المجتمع العراقي، وأخذ الطبالون والعازفون يعزفون على الأوتار الطائفية التي يستطيعون من خلالها الوصول إلى سدة الحكم والتربع على العرش، ما أدى إلى التشتت والتشرذم والتفتت في بنية المجتمع وحصول احتقانات تسببت في إسالة الدماء وإشاعة الفوضى.

قاطعني سوادي الناطور وقال «أوگف...أوگف.. ليش احنه البلوه غير اجتنه من وره الاحتلال؟ بعد طبة الإنكليز للبصرة بالحرب الأولية بده أبو ناجي يزرع بذور التفرقة واتبع سياسة فرق تسد وسوانه تخاريس واردان، هذه كذا وذاك كذا، وسوه العراق عشاير ومذاهب وأديان، ودگ الأساس الدوني من ذاك اليوم، وبدت الحكام تعلي بالبنيان، بس وكت كريم قاسم، لا طائفية ولا عنصريه، لكن ألما يخافون من الله ما خلوها، تلملمت وتلملمت ومطرت علينه ضيم وقهر، واجونه الطائفيين، لمن استلمها أبو حلا، وصار الصار، واجانه الاحتلال الجديد وقسم الوادم اسلام ومسيح وسنه وشيعه وعرب وأكراد، والجماعة كيفوا إلها، وعلى حس الطبل خفن يرجليه، گامت كلها تدگ وترگص عالطائفيه، وكل واحد صار هو الدين والدولة وهو أبو الحق وغيره باطل، والوادم ما قبضت غير الهوه، وباعونه سمچ البل شط، وشوفة عينك الكهرباء أربعه وعشرين ساعه والنفط شگبن وشيل، والغاز بالبوريات، والمخضر بسعر التراب وكروة السيارة فلاسين والإرهاب شوفة عينك صار الطگ بالجملة، والمفخخات حصدت الوادم، وكلها من وره التفرقة الطائفية الزرعوها وهـسه ما تريد الوادم لا طائفية ولا عنصريه، تريد الأمن والأمان والخدمات، هاي الثلاثة وبس، وان چان أجن من أفندي لو معگل لو لابس باينباغ لو مفرع، هله بيه ونخليه على روسنه، لن الوادم ملت من الحچي، وشبعت من الشعارات، وتريد فعل، وياهو اليگدر يفعل أهلا وسهلا بيه!».

• < السابق
• التالي >