اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

كـتـاب ألموقع

الى الحزب الشيوعي// عبد الرضا حمد جاسم

تقييم المستخدم:  / 0
سيئجيد 

 

الموقع الفرعي للكاتب

الى الحزب الشيوعي

عبد الرضا حمد جاسم

 

(إلى الحزب الشيوعي العراقي وأيام قضيتها معه... أو بعيداً عنه مرغماً أو بإرادتي)

حسبتك

حسبتــك... والتهيت أوياك أحسب

يلي كل عمري عله عمرك ينحسب

أخذ كل متريد مني.... وأتركلي بس الكَلب

حته من تحتاج كَلبٍ ... أنت لك عندي كَلب

وتدري أنطيك الكَلب...

بكل قناعه ونكران ذات أو حب

.........................

يا عُمـُـرْ..... يا حــزب...

يا بيت ألنه.... ولكل الشعب تنحســـب

بيت...هو ســتر.. وهـو الذي يلَّفينــه

ومن نرتبــك هـو الــذي يدارينــه

أو لو مره سوينه غلــط ....يوضحلنـــه ويوعينـــه

أو لو مــر علينه شته وبردنه... يغطينه و يدفينه

أو لو مره مر بينه زعل ..يفَّهمنه ويربينه ويعَّلمنه ويرَّضينه

يا بيت أشرف أذن... من بيت كل الشعب

......................................

ولهــذا السبب... أنحــاز إله وتْحّزبْ

مرات عنه ابتعد...

ومرات ليه بشغف أتودد أتقرب

مرات أتقصده... أتعنه ليه... ومرات منه اهرب

وبالحالتين... كل يوم أتعذب

مرات يعتب عَلَيْ... ومرات أنه أعتب

مرات ألومه... ومرات ألومن روحي ..وأتأسـف وأبجي وأنتحب

مرات هو السبب ........ ومرات أنه أتسبب

لن أنه من حرصي عليه... أتعصب وأغضب

وأتمنه كل عمري أظل من الفكر ..أرتوي أشَرَبْ

أسكَيه دَّمي لو طلب... حَتْ... لا يجف أو ينكسر... وماي الحياة البيه ينضب

مرات أصفن... أعيد العتب...

شحصلنه من هل الحزب

حتــه ألــه هلكَــــد نِحـــب

هل هو مسيرة عُمُرْ؟

... لو هو كاس أو نَخِب

لو هو علمني حرف؟

... ومثل المعلم واجب.. أتعامل او ياه بأدب

وبحترام اوكَف من يمر... وخاشع أمامه أنتصب

لو بس كلام او حجي ونتلفت او نلتهي با للعب

لو هو كَول او فعل...

علمنه حب العمل... والعامل ألي تعب لجل الشعب

خير الحياة انساب من كَصّته وتْصّبب

حيرني هذا الحزب!!!

مرات أنطيـــه عـــــذر

ومرات أقسي بالحكم عَ الي بدر من النُخَبْ

مرات اعرف موازين القوى

... والي أرتبط بالحزب سوه العليه من واجب

ناضل أوضحه و صبر

منهم الهَدَه التعـــب.... كَعـــــــــــد

ومنهم صعد مثل الشهب... أستشهد

ومنهم اتعثر بنص الدرب..... وتحدد

ومنهم الزادت ابجسمه الندب

ومنهم ألي من الألم... لليوم يتعذب

..............................

هذا الحـــــــزب يختلف

المات منه فرد مات بشرف

والتعب منه او كَعد... يشعر بالفخر ويشتاق ليامه بشغف

والبقه واكَف بالشرف منتصب... من واجبه منسحب (ما انسحب)

والقيمة الجبيــــــــــــــــــــــــــرة

.المات.. والي انحنه.. والي ابتعد.. والماشي ويه الحزب بالدرب

كلها بالحزب تفتخر.... والتاريخها وياه تحب

وكل عام نفرح.. نغني ونهتـــــــف:

بـــس للحبيب الأول..... يبقـــــــــــــــــــى الحب

عاش الوطن... عاش الشــــــعب... عاش الحزب... عاش الحب

وعاش بشرف كل العمر

... مَنْ...

لجل الشعب أتألم أتعذب

 

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.