كـتـاب ألموقع
يظل غربيلهه ايغربل// عباس طريم
/ 0
- المجموعة: عباس طريم
- تم إنشاءه بتاريخ الإثنين, 27 شباط/فبراير 2017 18:52
- كتب بواسطة: عباس طريم
- الزيارات: 2840
يظل غربيلهه ايغربل
عباس طريم
اريزونا
الغثيث ايطيح , والحر الأصيل ايظل
هايه قاعده ومرهون بيهه
الكل
+
غزل واتخلبص وما ندري وين الراس
احنه اهل العقد , بس موش
اهل الحل
+
الايمانه قوي , ايظل ثوبه ابيض دوم
لتظن , مهما جار الوكت
يتبدل
+
والعركه ابجبينه اتلوح مثل اهلال
امسلح بالشرف والغيره
موش اعزل
+
والطاهر حليبه , وامه اخت ارجال
بالماي الوسخ والعفن
ما يبتل
+
وليحافظ عله اسمه , ايحاذر الزلات
صعبه اللي يراهن عالمعالي
ايزل
+
عشاير احنه , والسوده تظل عنوان
جيل الجيل , اب الابن
تتنقل
+
سواد الوجه , صعبه اتبيضه الكريشات
العالم فتحت , والكل
متتقبل
+
مثل واحد لئيم , وراد هسه ايجود
وابطبعه البخل , ثابت
ومتأصل
+
دنيه اتغيرت , والجان بيه لخير
والعز والكرم والطيب
يتأمل
+
هجر ارضه اوسكن , وي ديرة الكفار
من شاف النهب والبوك
صار اول
+
من تشرعن , سباق الهدم والتفليش
ومن البوك , عينك عينك
اتحلل
+
ومن شفنه الشعارات , العله الحيطان
كلهه اتشككت واتبره منهه
الكل
+
ومن شفنه الضحك عالناس , صار افنون
يتدرس دراسه , مو علن
بالظل
+
ومن شفنه حجيهم , خالف التطبيق
ميزان الثقه البي راهنونه
اختل
+
+
حرامية كبل , من الغني ايبوكون
والمحتاج .. ينطوه كبل
لا يسأل
+
وذوله امن الفقير , الحافي ايبوكون
سلبو عيشته , وكلوله
لا تزعل
+
شعبنه ايدور , اركان وسكف يحميه
موش امهجول ابكل
البلاد ايظل
+
اسأل بالقصايد , وانشد العقال
البلد , ظل بس لطم واصريخ
شنهي الحل؟
+
وما عدهم جواب , اليشفي المعزبين
معناهه, الوضع باقي
وميتبدل
+
شكل , للعينه وكحه , وما يخاف الله
اذا ما يستحي امن الخالق
ويخجل
+
شكل للجان حافي , انعاله أبو الفلسين
باك افلوسنه ومن يحجي
يتحنجل
+
جثير الحجي , وما اريد اتعب القراء
ملينه العتب , والحجي
اهواي انمل
+
أبو الحسنين كال , اوسجل التاريخ
"خير القول ما قل, وبعد
ما دل"
المتواجون الان
823 زائر، ولايوجد أعضاء داخل الموقع
