كـتـاب ألموقع

بزمنكم.. كل شريف انذل// عباس طريم

• 

تقييم المستخدم:  / 0

سيئجيد 

المجموعة: عباس طريم

تم إنشاءه بتاريخ السبت, 05 أيار 2018 19:18

كتب بواسطة: عباس طريم

الزيارات: 2336

الموقع الفرعي للكاتب

بزمنكم.. كل شريف انذل

عباس طريم

الى [حرامية العراق]  الذين احالوا الحياة الى جحيم, والوطن الى ركام

بزمنكم  .. كل  شريف  انذل

شنهي الجارة , شنهي

الحل

حقوق الناس  اكلتوهه

فلوس  الشعب  بكتوهه

الارض  لحسا  لحستوهه

وشعبنه  كل  شي  ما  حصل

+       +

الخير عاف  ديرتكم

والمنصف   شرد  منكم

طركاعه    وفلك     طركم

طعنتو   الوطن  .  في  مقتل

+

فليسات الشعب ضاعت

وشباب  ابلا  شغل داحت

عوايل    عازت    اوجاعت

بلد   من   كل    فلس  وشل

+

وعدكم  طار وي الريح

خليتو   الشباب    اتديح

وابناء      البلاد   اتصيح

خلف    الله    عله   المحتل

+

متحلفين  اجيتونه

الواحد حاد اسنونه

وين    الشرده  دلونه

تفكر   بالفرار  ,    الكل

+

بسم  الدين  بكتونه

وسلكتونه  اوحمستونه

واكلتونه          وشربتونه

وبلاء   الله   وياكم ,   وحل

+

اتبيعون  الرتب  بالسوك

شركم  ,  زاد   فوك   صفوك

والنوب       النهب        والبوك

بزمنكم  ..  على    شي   اتحلل

+

جنتو  بلا  نعل , حفاي

والشاهد   حسن   دواي

جان  اعله  الخبر    والجاي

وهسه  من  المشاوي  .  مل

+

الشعب ميريدكم , كافي

ولك      ملينه  ,   يلحافي

شمالك     بويه  ,     متعافي

اخذت    المال  ,    وخر   ول

+

اجماله  اتكول  قفاصين

ما  الهم   شغل     بالدين

جانو    عالخبز   ,  حافين

ذوله   اهل   الجكاير   فل

• < السابق
• التالي >