كـتـاب ألموقع
الى حرامية العراق// عباس طريم
/ 0
- المجموعة: عباس طريم
- تم إنشاءه بتاريخ الأربعاء, 05 أيلول/سبتمبر 2018 10:24
- كتب بواسطة: عباس طريم
- الزيارات: 2671
عباس طريم
الى حرامية العراق
عباس طريم
الى حرامية العراق, الذين خانوا امانة الشعب, واحالوا الوطن الى جحيم .. الى من ابتلانا الله! بهم , اهدي قصيدتي . .
عباس طريم
عراق اليوم , ياهو السان قانونه؟
شو بس عالفقير الحك
يطبقونه
+
الناس اتكول راتبنه بعد شهرين
بالمنشار , من النص
يكصونه
+
لان النفط نازل سعره حيل اهواي
والكص , يسري لحد ما
يغلونه
+
جا من ارتفع هالنفط عشر اضعاف
كلي ابروح ابوك , الربع
شطونه؟
+
مليارات راحت كلهه للاحزاب
وشعبنه ظال بس اتلصلص
اعيونه
+
ياقانون بويه الجاي عالحفاي
شايل سيفه بيده , وحاد
اسنونه
+
ياقانون هذه الكال : كلهه الزيد
واخوه اللح عمر , حافي
يخلونه
+
ياقانون هذه الكال : بيت وجاه
وراتب للعرف واشغال
ينطونه
+
والخريج محتار ويدور اشغال
واعياله تدور عله
الصمونه
+
المو باحزابهم جوه يظل بالكاع
ولبأحزابهم للسمه
ايرفعونه
+
ياقانون بيه الشعب بالبلدان
متاني الكفر من عدكم
ينقذونه
+
القانون : العدل والرحمه والانصاف
عدكم غير هالقانون
شوفونه؟
+
انتخمتو من الاكل , والشعب ميت جوع
واكلتو الزاد كله , وحته
الصحونه
+
ما ادعي عليكم , لان رب الكون
كل لص وحرامي ايحفظه
ويصونه
+
+
بعد ما ادعي , كل ما ادعي عالبواك
ارد افلاس , والبواك
يغنونه
+
واظل دايخ , وما ادري ابطريقي امنين
[ وعله دك الطبل هزن]
يخلونه
+
ويرموني ابمصيبه اورطه سوده اوضيج
والبواك من كلهن
يخلصونه
+
بعد ما ادعي , كل دعواتي بالمكلوب
اذا كلت احفظ محمد
يسجونه
+
دعيت الله مره ينسجن عبعوب
حط بامريكه واتعشه ويه
مادونه
+
عباس طريم