كـتـاب ألموقع

دنيانه صارت مضويه// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

دنيانه صارت مضويه

ميسون نعيم الرومي

 

لا شرقيه اولا غربيه

حمره .. خضره او ورديه

نشلـَع نقـْـلع ..

تحچي ؟ تمشي؟

لو نسكت عنهه اشويه ؟

المجرب ما يتجرب ..

عتگت ؟

لو صارت خرده اومنسيه !

او كوثراني متگاود وي قآني..

خري مري يوميه

***

زيباري اوصالح ..

خدموا كلش !

أمان الدوله ..

او محميه !!

الدستور ايهلهل فرحان

اشحده اليخترقه ..

بالعلن اوبالسريـّه

سفارات انواع اشكال

اتحضرنه حضاره كونيه

بالديره تلعب جارات

خري مري يوميه

***

القضاء امصنصل معروف

مشهور ابعدله ..

خطيه !

ايحاسب كل مجرم سارق

يترصد بيده عوچـيـّه

بالعـِـلـِم امسلـَّح هيبه ..

شهادات التشهد (لبنانيه)-

محروسين امن العين اسم الله

حرگي حرمل يبنيه

***

البرلمان العدنه ..

مسرح

تابـَعـْـنه اوشفنه التمثيليه

و(الريس) ردّ ابزوده

صَفـَّه خلافاته الشخصيه

رئيس الدوله ايمطگ

يتوسل .. بازياراته المنكوكيه

امبارك يعارق اوشعبك

دنيانه صارت مضويه

خري مري يوميه

-------------

18 / كانون الثاني/2022

ســتوكهولم