كـتـاب ألموقع
اهنا يمن كل الهله// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الخميس, 24 شباط/فبراير 2022 19:44
- كتب بواسطة: ميسون نعيم الرومي
- الزيارات: 1936
ميسون نعيم الرومي
اهنا يمن كل الهله
ميسون نعيم الرومي
اهنا يـمن كل الهله – غياب غـَـفـْـله جـونـَه
فزت الروح اوهلهلت – كل الهله اوممنونه
الورد بخـدوده غـفـَه – لون السـمه بعـيونه
ابشعره الشمس ظفرت خصل – تتغاوه بي مفتونه
اهنا يمن
اهنا يـمن ميـَّة هـله – بالغايب اوجاي النه
فـرحه الچبيره بالعمر – يطويـر من جـنـَّه
من يحچي صوته سحر – وامطرز ايده ابحنـَّه
بعيونه نجمة صبح – والضوه الهـَـل منـَّه
اهنا يمن
مشهور عيني بالوفه – هذا العراقي الطيب
ما يـنـْـسَـه اصله أبـد – لهله يحن واحبيب
واشما بعد بيه الوكت – اگليبه يرف لو شيب
الدجله والمايه العذب – لجذوره دومه اگريب
اهنا يمن
-----------------
23/شباط/2022
سـتوكهولم
المتواجون الان
618 زائر، ولايوجد أعضاء داخل الموقع