كـتـاب ألموقع

اليوم الحزين// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ الأربعاء, 07 شباط/فبراير 2018 19:50

كتب بواسطة: ميسون نعيم الرومي

الزيارات: 2333

الموقع الفرعي للكاتبة

اليوم الحزين

ميسون نعيم الرومي

اهديها الى هذا اليوم الحزين

في الذكرى الخامسة والخمسين من شباط الأسود

ميسون نعيم الرومي

*بالثامن امن اشباط .. من أهـَـد ذاك اليوم

ضاع العراق انداس والشعب مضيوم

***

لا تنمحي اولتروح ذكرى حزينه

هدوْ علينه اشــرار ذبحوْ العينـَـه*

***

الله واكبر يا شعب حللو دمك

(بيان اتلطعش) مشؤوم مفجوعه أمـَّك

***

صعبه الجبان ايصير.. يتسيد الگوم

بايع ضميره ارخيص يشرب بالدموم

***

دم الشعب مهدور والدمع نهران

ذكرى حزينه اليوم بالگلب بركان

***

شباط الفرح والحب تحتفل بيه الروح

واحنه ابعراق الضيم تتجـَـرَّح اجروح

***

ماضل شبيبه ابدار.. فرغوهه لبيوت

انذبحوا يوسفه ابليل .. ماشفنه تابوت

***

قصرالنهايه العار.. يا قصر الملوك

چم بطل دفنوْ بيك؟  چا وين الحلوگ

***

كتل اوذبح تعليگ صارت ســنينه

احثالة شعب يا ويل .. منهه انولينه

***

حيف اوألف ياحيف ياوسفه تموز

*اگعد (كريم) اوشوف شعبك تره ابعوز

***

شعب الطلع مفزوع والصدر مكشوف

اتلگه رصاص الموت مايعرف الخوف

***

سلامات (اكريم) سلامات شعب اوهتف حيل

ابليه سلاح اشلون ؟ راووهم الويل

***

*(ادياله اونهرها) اليوم اشتعت ضوه اونور

*(جثتك كريم) اهناك تشكي من الجور

***

ماتـتـعظ حكام وامـن الگـَـبلهم

مـَـزبـلته للتاريـخ تنطر ربعهم

------------------------

*بالثامن امن اشباط:- انقلاب 8 شباط 1963 الأسود هي حركة مسلحة  أطاحت بنظام حكم رئيس الوزراء عبد الكريم قاسم في العراق بطريقة وحشية قتل فيها الآف الشباب تحت التعذيب

*العينـَـه:- النخبة

*كريم:- الزعيم عبد الكريم قاسم

*(ادياله اونهرها) :- يقال ان جثة الزعيم قاسم ألقيت بعد إعدامه في نهر ديالى بعد ان وضعت بكيس مثقل بالحجارة

------------------------------

 8/ شباط / 2018

ستوكهولم

• < السابق
• التالي >