كـتـاب ألموقع
حـِنـَّة عـرس// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الأحد, 17 حزيران/يونيو 2018 10:57
- كتب بواسطة: ميسون نعيم الرومي
- الزيارات: 2380
ميسون نعيم الرومي
حـِنـَّة عـرس
ميسون نعيم الرومي
الموقع الفرعي للكاتبة
عطشانه السواجي اسگيهه مي العين
من روحي نبع يضوي على الشطين
يادجلة اوفرات العذب بيه الماي
نجمه وي گمر وامطرزه الجرفين
جوري الورد نعناع ويه الياس
يتمايل غنج ويعطر الجنبين
يتهاده البلم محله العتابه اوناي
والنسمه سـِـحر واتغازل الخدين
والطين الحمر ياقوت وي مرجان
حنـَّه للعرس وايحني بالچفين
تركعله الشمس تغسل ظفاير بيه
يا مي الفرات امن الجنه مي العين
ون گلبي جرح يبچيك هم تبچيه
والنخل انذبح ياحيف العنب والتين
خنجرهم غرز يذبح جمال البيك
يادجلة عشگ يا غنوة الطيبين
اهوار التراث العطش طگهه الموت
يادجله اوفرات الغدر واصل وين؟
أسمع للنخل والصوت وا ويلاه
حاني رگبته والفاس بالجنبين
ذله والمهانه اشلون تحمل ليش
يعراقي انتفض السكته للمسكين!
السكته للمسكين
------------------
حزيران / 2018
ستوكهولم
المتواجون الان
1070 زائر، ولايوجد أعضاء داخل الموقع