كـتـاب ألموقع
دارميات// ميسون نعيم الرومي
/ 0
- المجموعة: ميسون نعيم الرومي
- تم إنشاءه بتاريخ الخميس, 05 تموز/يوليو 2018 11:15
- كتب بواسطة: ميسون نعيم الرومي
- الزيارات: 2470
ميسون نعيم الرومي 
دارميات
ميسون نعيم الرومي
شعر الدارمي او غزل البنات شعر الفرات الأوسط
بشليلي الم انجوم وانثر دربكم
والگمر ضوَّه الليل يمشي بثركم
***
حروفك ترافه اوهيل عنبر سحرهه
بحر العشگ مفتون حاير بمرهه
***
غصبا واهيد الروح مگدر عليهه
خلتني چن مجنون كله امن اديهه
***
ضايع گمرنه الچان يزهي ابسمانه
عينه تصد للغير راح اونسانه
***
حاير واعاين ليك يوليفي يالصد
مدري الورد بالإيد مدري على الخد
***
اتعثر ابممشاي والدمع يهمل
اسأل وادور اعليك يالانت لجمل
***
قوس اوقزح لعيون حرت ابوصفهن
اهوايه تره حلوات وانتِ گمرهن
***
اتنطرك كل يوم عيني على الباب
هايم انا حيران والعشگ چذاب
***
مولح صبيهه العين والدمع وشـٓـل
راح اوإجه رمضان .. ياريتك اتهل!
***
خليني اعاين ليك لن روحي بيدك
چا هيـّه مو بالكيف گلبي يريدك
***
لملم اگليبك هاذ روح اشرد ابعيد
لاينفع ابره اوخيط لا حتى تجديد
***
گمره اوربيع اليوم حلوه اوضويـّـه
وامطرزه ابنجمات اسمانه اوزهيـّه
***
ياذيني هذا الليل مخاوي ونيني
يچيم جمر بالروح كلما يجيني
***
نار الگلب تنور ماتطفه بدموع
تربي تظل لعيون بس تبچي وتلوع
-------------------
تموز/ 2018
سـتوكهولم