اخر الاخبار:
مقتل جنود أتراك قرب الحدود مع العراق - السبت, 20 نيسان/أبريل 2019 11:01
اعتقال 224 شخصاً جنوبي العراق - الخميس, 18 نيسان/أبريل 2019 20:40
  • Font size:
  • Decrease
  • Reset
  • Increase

كـتـاب ألموقع

ميعيب غير المعيوب// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة

ميعيب غير المعيوب

ميسون نعيم الرومي

 

بايع وامخلص مذنوب – ميعيب غير المعيوب

تحلف .. متعلم مـَـتـّـوب – كلشي امقيد هالمكتوب

اشكال العادات ألوان

متأصله اوصارلهه ازمان

العادات اتبدلهه اچفان

اليابس غصن المعلول – بالزايد وايزيد انوب

يتحجج يخلط اوراق – ايفسر كلشي اوبالمگلوب

ميعيب غير المعيوب

***

لاتامن يچذب خوان – يحلف وايطب القرآن

للشط ايوديك اتروح – ترجع خايب هم عطشىان

چذب امسفط ماله أساس

نفس الحمام اوهالطاس

قوة عين ابلايه احساس

يحلف الآف الإيمان – واليچذب ماضنه ايتوب

عمره اويگضيه ابـسختات – لوتي اوعنده اهوايه ادروب

ميعيب غير المعيوب

***

مرض المزمن عيب ايطيب – داء البوگ أصعب داء

بواگ الكحله امن العين – من الألـْـف .. الـْحـَـد الياء

يسلب ينهب ماكو احدود

زور الشاهد للمشهود

ايجود ابرشوه امن الماجود

لا يشبع لا يروه ايلوب – مزروفه وابكرشه اجيوب

يهمـش وايلملم فرحان – نگطه اوطاحت يا (مهيوب)

ميعيب غير المعيوب

 

--

29/اكتوبر/2018

سـتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.