كـتـاب ألموقع

إگـعــد.. شــوف// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ الخميس, 29 تشرين2/نوفمبر 2018 10:40

كتب بواسطة: ميسون نعيم الرومي

الزيارات: 2494

ميسون نعيم الرومي

عرض صفحة الكاتبة

إگـعــد.. شــوف

ميسون نعيم الرومي

حـيـطـان انـهـِـفـَـت وابـيـوت هـالـطـاحـَـت

اعـراقـي منـهـجـِـم والـريـحـَـه هـالـفـاحـَـت

لاغـَـنـَّـت بـَـلابـل عَ الـشـَـجـَـر ياحـيـف

فـخـْـتـايـه بـچـَـت بـالـحـزن هـالـنـاحـَـت

مـاضـَـلـَّـت صور فـيـروز واتـغـَـنـيـن

بـَـغـداد الـمـَـجـد ! واولادنـَـه انـضامـَـت

حـَـمـام الـهـاجـَـر اومـَـكـسـور جـِـنـحـَـه ايـصيـح

بـَـلـَـد كـلـَّـه خـَرايـب والـبـُـوَم هالصاحت

يـا عـَـبـْـد الـوَهـاب ابـدجـلـتــَـي اتــْـغـَـنـَّـه

دجـلـَـه انـبـاع وامـواجـَـه  ابظلم مـاتـت

واهوار انشفت والگاع تبچي اتصيح

ماظل گصب لاخريط بس ادموع بي سالت

احزاب تحكم والـوَطـَـن باعوه بالتفصيخ

والخزنه افرِغـَـت والحاكم صنم  سـاكـت

يـا ابـن الـصويـرَه (اكـرَيـّـم) اگـعـد شـوف

ألـف مـلـيـارشفطوه تـَـرَه اوضاعـَـت

والـشـَـعـب الـسـكـت مـَـشـغـول يـلـطـم دوم

وايـتـام الـوَطـَـن مـن زغـر هالشـاخـَـت

تفجير اوذبح وادمانه تجري انهار

بغداد انهفت وابيوتنه الطاحت

شـوف الـعـلـم يـزهـي اودوم يـتـقـَـدَّم

واحـنـَـه لـيـوَرَه دنـيـاتنـَـه الـصارَت

كتبنه امن الأزل قانون نفخر بيه

تـاريـخ الـشـهـَـد والأمـَـم  بي گـالـَـت

 شـَـعـَـب  إنت الشعب تـرْفـض مـَـذلـّـه اوعـوز

منـَّـك هالشــعوب .. اتعـَـلمـَـت اوثارت

أخذت منك اونالت

------

نوفمبر / 2018

ســــتوكهولم

• < السابق
• التالي >