كـتـاب ألموقع

بيكم والله يعله الراس// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ الإثنين, 30 كانون1/ديسمبر 2019 19:15

كتب بواسطة: ميسون نعيم الرومي

الزيارات: 1837

ميسون نعيم الرومي

عرض صفحة الكاتبة 

بيكم والله يعله الراس

ميسون نعيم الرومي

اسـمع يا عالم يا ناس – قصتنه قصه اتشب الراس

موت اويحصد بالشبان – ذاك الحمام اوذاك الطاس

راحـَـت ولدچ يا (ذيقار) – ويـن الشـاره (يالعباس)-

ننحب نبچي كلنه ادموع - گاعچ (بغداد) الما تنداس

اشلون المفتاح اتسلمين؟ – بيدين الزمره الأنجاس

والنجف الصارت (ألطف) - اعمايم تضرب بالراس؟

اورود انمردت دمهم ساح – والعالم صامت ماكو احاس

اهوايـه الموتـَه بالميـات – ادموم السالت ما تنقاس

تـَرْفه ولدنه اشلون اتموت؟ - مـُـرّ اجرَعـْـنـَه ابنفس الكاس

اورود اوحلويـن الشـبان – ليلو مرجان او الماس

للموت انزفهم ؟ وين الدين – ردنه انزفهم للأعراس

احلام انطشت بالگاع – حيف او وسفه ع الأغراس

المن نشكي ؟ ضاع الصوت – عـَـفـْنـَه الدوله حد الساس

يا وطني..يا وطني المنهوب – ولدك ذوله فخرالناس

من حرب الحرب اونفتر- اندافع هاليوم او (للقناص)-

بـَـرَّه بـَـرّه يا اذناب – واذناب الأذناب الأنجاس

أحزاب اونواب..كتل اوسلطات – نبدي انحاكم من الراس

فليحيا الثوار الأبطال – بيكم والله يعله الراس

بيكم والله يعله الراس

-------

30 / ديسمبر/2019

ســتوكهولم

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

• < السابق
• التالي >