كـتـاب ألموقع

غـَـربـل يالكاظمي// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ الخميس, 14 أيار 2020 20:15

كتب بواسطة: ميسون نعيم الرومي

الزيارات: 2211

ميسون نعيم الرومي

عرض صفحة الكاتبة 

غـَـربـل يالكاظمي

ميسون نعيم الرومي

غربل يالكاظمي غربل اوراويـنه

همتك من صدگ لو تچذب اعلينه؟

غـربـل يالكاظمي وابـدي بالكبار

تعبنه الحچي واحزاب هاي العار

غـَـربـل يالكاظمي يالچـنـت منهم

تعرف كل زغير اچبير من عدهم

***

دستور عدنه..اوهم عدنه قانون

لنريد المكرمه اومن انريد الفنون

اشبعنه (هوبزه) واشبعنه إعلام

وابدم الشباب اليوم متحنيه حكام

البدوه (بالقضاء) او ينصلح زيـن

هجموه الوطن هالصار(عقدين)-

***

والبرلمان المتهم بالزور والبهتان

ينحـَـل ابعجل واتـفـَـرّح الشــبان

تحيي بالأرض واتـشـَجـّع الفلاح

لا تنسه الصناعه وايصير اصلاح

اتباوع للشعب شعـب الحضارات

يمشي عَ النـفـط وايعيش ويـلات

***

شوف العراق اليوم هالصار منخور

مهمل منتهي يشتكي امن الجور

هجموهـَه هـَجـِـم منكوبـَه (بـغـداد)-

ذل اومهانه اومرض والعيشه بالكاد

غربل يالكاظمي والشعب سور ايصير

يحميك الشعـب .. والرايـد التغيير

غربل يالكاظمي غربل اوراوينه

همتك من صدگ لو تضحك اعلينه؟؟

--------

مهداة الى رئيس الوزراء مصطفى الكاظمي

14/ مايس/2020

ســتوكهولم

• < السابق
• التالي >