كـتـاب ألموقع
حلبونه حلب// ميسون نعيم الرومي
/ 0
- المجموعة: ميسون نعيم الرومي
- تم إنشاءه بتاريخ الأحد, 27 أيلول/سبتمبر 2020 18:48
- كتب بواسطة: ميسون نعيم الرومي
- الزيارات: 1845
ميسون نعيم الرومي
حلبونه حلب
ميسون نعيم الرومي
سراق الوطن بالخير متنعمه
جايع يا شعب غرگان بالخيبات
ظلمه هالصفت والدنيه چن تنور
وافلوس الكهربه ليران مليارات
***
حلبونه حلب والقصد خو معروف
اموال اتفرهدت چا وين الضوايات
خيرك يا وطن للجاره تلعب بيه
دمروهه الصناعه او ذبحوا الزرعات
***
مثل كل سنه اوهاي السنه اومثل العام
شبت النار وصبحت مشتعله بالحنطات
ومثل كل ســنه هذا السـمچ هالكتلوه
يشـكي للسـمه وامترّســه المايات
***
شوصارت شغلتك بس غسل للأموال
يا بنگ المركزي يمعلگ الرايات
لبنوگ اوفرخت تشتغل بالممنوع
چا وينه دولتك ؟ يا ريس العارات
**
ياخذ بالصور فرحان چن طاووس
كل هاذي شغلتك يالچنه نترجاك؟
كتال الشباب ايصول شوفه ايجول
چا ويـن الوعد من تاخـذ الثارات
***
مثل دهن اودبس بامريكا فرحانين
من جنتوا خدم وابصدر دبابات
چا شنهي الحدا من البدا واليوم متبدله
صارت مهزله اومشتغله كاتشيوكات
-----------------
24/أيلول/2020
ســتوكهولم