كـتـاب ألموقع

اشگد صـَـلِـف// ميسون نعيم الرّومي

ميسون نعيم الرّومي

 

عرض صفحة الكاتبة 

اشگد صـَـلِـف

ميسون نعيم الرّومي

 

آخ الزمان اشگـد صَلف - عـيـنَـه وكيـحَـه اوما تـِرِف

يجـرَح ايغَـمّگ بالجَـرح - ماعـنْـدَه صاحب لا ولف

مَـيّـت گـلب مايـنْـوصف - شــاطر الأوَل .. بالبَـلـــف

چم آخ منك يازمن

***

يـهْـدي مصايب ما يعـف - يـحسـب يخطط وابْـعرف

لو يـولي واحـد ما رحم - بَـذّات دومَـه للأسـَــــــف

لالـَـه دوَه اومالـَـه شِـفَــه - هَــدّ الـِـوْلايَــه والسَــــلـَف

وياك تالي يازمن

***

خـايـن اشْـمالـَـك يازَمَـن - باليـنَـه بَـلوَه بـالمِـحَــــن

اسنين العمر تبچي .. تون - جور اوقَـهَر بَس نمتحن

مـنَّـك سَـهَـمْنَـه چـا حزن - مـن الدَمع مَـل الجـفــــن

آخ امتحانك يازمن

***

باليـنَـه بَـلوَه هالزَمَــــن - غَـرَّگ بَـلمْـنَـه .. والسـفـن

كـل العـمر نـبْچي اونونْ - الليل يخلص ..؟ ما اضن

هَـدّ الجـبَـل هذا الشَـجَـــن - عَـفْـيَـه عَـليَـنَـه اوما نِجـِـن

ادخيل بختك يازمن

***

نـعْـتـب اونحچي اوننتـظر- تـاه الفَـرَح ضاع العـمــر

الضيَـم هـودَر واخْـتـمَـر  - والحزن عَـشْـعَـش واعتمر

بالروح نـارَه چَـن جَـمـــر - حـيَـف اوألف سـاد القـَـهـَـر

نشتكي منك يازمن

***

ظلمَـه شَـمسْـنَـه اويه البَـدر - باگــو النَجْمَه اويه الگمَـر

لاظـَـل ذَهَـب لا ظـَل صفر - راح العشگ !!! باقي الأثر

والأثـر يحفر بالگلب – والحصه صارت بس سهر

ياويلي منك يازمن

***

يا مغزل الحب كف غـَـزِل - تغزل ابصوفك تلف

آخ الزمان اشگـد صَلف - عـيـنَـه وكيـحَـه اوما تـِرِف

بمصايبه ياذي البشر – ضيعنه يادنيه العرف

چم آخ منك يازمن

------------------

5 / كانون الثاني / 2021

ستوكهولم