اخر الاخبار:
قريباً.. مارسيل خليفة في فنلندا! - الخميس, 18 تشرين1/أكتوير 2018 16:48
داعش يباغت الجيش العراقي في متنازع عليها - الأربعاء, 17 تشرين1/أكتوير 2018 20:55
  • Font size:
  • Decrease
  • Reset
  • Increase

كـتـاب ألموقع

أغنيات للعيد الثمانين// حسين جهيد الحافظ

تقييم المستخدم:  / 0
سيئجيد 

اقرأ ايضا للكاتب

أغنيات للعيد الثمانين

حسين جهيد الحافظ

 

مهداة الى كل طيب يتنفس هواء الشيوعية

الأغنية الأولى :

*********

نوح الفخاتي غنه

طرز إخدود الليل

طگ إبصواني العرس

همّه إو بخور إو هيل

وإشموع ما تنطفي

 أتواكح صهيل الريح

صيح

صيح

يا حيل كل الشعب

إبكل الكنائس جرس

إبكل المناير صيح

إلبالگاع عنده جذر

ثابت إبتربة هله

لا تظن يوم إيطيح

لا ... لا أبد ميطيح

 

الأغنية الثانية :

*********

(ستار شدة ورد محمد بيابي العين )

چا وين أخلي فهد گللولي أخليه وين

معناهه يعني الضوه و إهلال بيه عيدين

حازم إو صارم إذن بالدنيه أكو شمسين

وضاح يعني الگمر و محمد إهلالين

إكرام نجمة صبح كحله إبجفن كل عين

يا بويبه شهگة سحر عشگ الملح للطين

ونة وليد السمه للگاع إجت خيرين

دم الشهيد النجم طرز سمه الطيبين

إشموع إبصواني الوفه للعيد الإثمانين

مبروك بويه إو ألف مبروك

 العيد الأثمانين

 

الأغنية الثالثة :

*********

     همة مناجل

چاكوچ أو زند

 ينگط ذهب

إو  شيمة  عرگ

إتهامس السندان تتغنه طرب

إحبال المشانق

غردت برگابهم بسم الشعب

خسران اليلاوي إچفوفهم

خسران

إو خسران من ضدهم لعب

بيهم طبع طبع النخل

إشما عله يزهو أمل

إو يحضن الگاع إبزود

إشما مات  منهم فهد

إيخضر مچانه إفهود

 

 الأغتية الارابعة :

**************

شدة ورد شوگ إو عطر

وإعيون  من دمع الفرح

طگت صبح

ما ظل جرح

تتهاده موجات الهوه

سفرة غوه

بشفاف الإحديثات

سالوفة عشگ

( وإصبع يطگ)

همس الضحك

بسمة طفل

عود إو يدگ

 صوت الهلاهل بالعجد

باقة ورد

طشت فرحهه ابسچتك

حامض حلو

چكليت وإملبس نذر

فرحه إو دفو

 يالشايل إسنينك فرح

 رغم الحزن

بيك الوصف لازم يجن

شاب إبربيع العمر

تو واصل العشرين

(واثق الخطوة يمشي ملكاً )

يالعمرك إثمانين

 

 

أضف تعليق


للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.