كـتـاب ألموقع

حَشوة مَدفع! (شِعر شَعبي..)// زهير كَاطع الحسيني

• 

تقييم المستخدم:  / 1

سيئجيد 

المجموعة: زهير كاطع الحسيني

تم إنشاءه بتاريخ الإثنين, 18 آب/أغسطس 2014 20:01

كتب بواسطة: زهير كَاطع الحسيني

الزيارات: 2135

اقرأ ايضا للكاتب

حَشوة مَدفع!

 (شِعر شَعبي..)

زهير كَاطع الحسيني

بحلك المدفع حطووّ حشوه

وكَالو سني هو الجاني

ما يدرون أفعال النذله

يسويها ألغربي الماسوني

لا تكَلوون الشيعي إلحطها

وبالتالي كرها ً يبلوني

إلحط الحشوه خارج بيتي

ودخلها إلبيتي جم دوني

حاطط جفه جف أمريكا

وناصر ملعون وشيطاني

مو أمريكا إلطيحت حظي

إطيّح حظي هم إخواني

سعودي وقطري ويمني وليبي

كويتي وصومالي وعماني

وبيهم مسلم إمطرف دينه

منهم أفغاني وشيشاني

هذي الناس إتحارب دينك

يمكن دينك مو إسلامي!!

مغسوله رووس الحلوين

وشَعر إباطه ريح إصنان ِ

لابس عصبه إيدود بيها

كَمل إصوابه بيتنجاني

غاسل نفسه إبول أمريكا

شامرته أفكار الصهيوني

و أخويه الكردي كَاعد صفحه

بلكت صفقه وهَم تصفالي

آخذ حصه  وأشلع بيها

إمأمن نفسي بكل أحوالي

كردستان وكبرت بيدي

شعليه آني مِن التالي

ولو بغداد تريد إتمانع

إمحضر علمي فوك إجبالي

متعودين إنخون العِشره

ياما  لوحلي البرزاني

السن إمكَلكَل صار سنين

وشلعة سني هم تآذاني

حشوة مدفع حشوة سني

ياما حشواتك تبرالي

عشر سنين أداوي بوضعي

بثروة نفطك سني إيلالي

لو ما نفطك شلي بكركوك

مِن إزمان ونفطك غالي

أشلع سني مِن تنطيني

بابا كَركَر وحقل إشمالي

ما توجعني إسنون إفجوجي

بس توجعني راحة بالي !!

ما توجعني إسنوني الحلوه

إليوجعني - إنت َ إكَبالي!!

حشوة مدفع لازم بيدي

لو تنطيني لو تخلى لي

حشوة مدفع لازم بيدي

لو تنطيني لو تخلى لي!!

زهير كَاطع الحسيني

• < السابق
• التالي >