اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

كـتـاب ألموقع

شو نازل سِعر البرميل ؟!!// زهير كاطع الحسيني

تقييم المستخدم:  / 0
سيئجيد 

اقرأ ايضا للكاتب

شو نازل سِعر البرميل ؟!!

زهير كاطع الحسيني

 

آني كَلتلك خَطط ْ زين

لا تترس كلّ إلزنبيل

شِفت إشلون ضاع إحسابك

مِن نزلوا سِعر إلبرميل ؟

جنت إتفكر بَس بنفسك

كلما أنطيك إدكَلي قليل

تارك ناسَك إبطرك إلخُبزه

وشاغل نَفسك بالتَحميل

موّ خَبرّتك تبني الأسرع

وإسوّي إلصَرفك تَحليل

قلّص نفعك جَم مِليار

ولا تكبّر مِثل إلدَربيل

أموال إلشَعب بجيبك صارت ْ

وللخارج عِندك تحويل

ما ضمّيت إلشَعبك مِنها

ورِحت إمشيت بفردة ويّل

باجر عكَبه سوكَك مُغلق

وتنّسَد إحدود إطريبيل

صير ْ إلشَعبك شَمس وكَمره

وإحرك نَفسك جَن قِنديل

لا إتبذّرها  كلها وتِمشي

وإتخليها  بظلمة ليل

آني إحجيت وكَتلك خَطط ْ

ما فادك مِن عِندي دَليل؟

شوف إشلون إلمَصدر واحد

وصاير نَفطك بالتَنزيل

كَتلك إزرع ْ وإصنع ْ وإبني

هَسه إدكَلي آني عَليل؟!

ميزانيه وكَفت بيدك

إلمن جا كلّ إلتضّليل ؟!

قابل غافي شَعب إلبصره

لو نايم كاكه بأربيل؟!

 

زهير كاطع الحسيني

أضف تعليق


للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.