كـتـاب ألموقع
خوّر عَبد ألله..!// زهير كاطع الحسيني
- المجموعة: زهير كاطع الحسيني
- تم إنشاءه بتاريخ الثلاثاء, 04 نيسان/أبريل 2017 11:16
- كتب بواسطة: زهير كاطع الحسيني
- الزيارات: 2536
خوّر عَبد ألله..!
زهير كاطع الحسيني
بُوّك إمنظـّم بُوّك ألخوّر
مِنهو إلباعه إمنين إلشوّر؟
إحكومتنه ؟ وإشمدّريها
إلراس إلباعَه راس إلثور !
* *
موّ عبد الله إلباع إلخوّر
ولا واحد مِن أهل إلبصره
إلباع إلخوّر سياسي إمأصّل
لازم كرسي ويعرف نفسه !
* *
إلإنطه ألموصل إنطه ألبصره
ما ظِن عُربي وحافِظ أصله
هي حكومه وضايع بيها
إشلون إنعرفه وراح إنشخصه ؟!
* *
إلباع إلخّور ماهو إبعيد
إبغفلة غافِل إنتهز إلفرصه
شال ألجِنطه رايح راجع
موّ هوشيار إللابس وِزره
إلباع إلخوّر موّ زيباري
واحد ثاني وكلّنه إنعرفه !
* *
مَجلِس عِدنه كلـّه عَتاوي
بيهم هِرّ وبيهم واوي
ألخيّر مِنهم لابِس قاطه
مِتهنّدِم بيه ومِتغاوي
وإلأثول أطرش بالزفه
وقّع علّ ألأول و إلتالي !
زهير كاطع الحسيني
المتواجون الان
911 زائر، ولايوجد أعضاء داخل الموقع