كـتـاب ألموقع

صوّر مِن أيام الإحتلال// زهير كاطع الحسيني

• 

تقييم المستخدم:  / 0

سيئجيد 

المجموعة: زهير كاطع الحسيني

تم إنشاءه بتاريخ السبت, 15 نيسان/أبريل 2017 17:59

كتب بواسطة: زهير كاطع الحسيني

الزيارات: 2727

الموقع الفرعي للكاتب

صوّر مِن أيام الإحتلال

زهير كاطع الحسيني

صورة أولى

ــــــــــــــــــــــ

آني بعيني

شِفت أمريكي

بنص الشارِع

شالِح نَفسَه

وذَب ّ إنكَاسه

وشِفت عيونه

بَس تِتراطَم

يمنه ويسره

مِن وهواسه

إلخوف إلعِنده

ما يتوصّف

خوف إحجاره

بوجه إلفاسَه

وشِفت إعراقي

يهتف عالي

هاي بلادي

وكَطع أنفاسَه

صورة ثانيه

ـــــــــــــــــــــ

طالِع مِن بيتي إلصُبحيّه

شِفت ألنار بنص الساحه

وشِفت إلدِرع إمسلّم أمره

وما باقي شي بالدبّابه

وإطلاقات بنص الشارع

أمريكي شالِع بصوابه

والناس إدوّر آثاره

بالبالوعه كَالوا خاتِل

دَي شِدّ  إجراحه بجورابه !

صورة ثالثه

ــــــــــــــــــــ

فَد يوم

وجانَت ظهريّه ..

أمريكان

هوَّ وهي َّ ..

جَووه الشِجره

الشارِع فارغ

حاضِنّها

ونِزَع الصِدريّه ..

ذَب ّ إسلاحه

قرب الحايط

حُرمَة داري ما عارِفها

يتباوس ويّه الجِنديّه

بالحال إلطلقه إتلكَاها

وبالكَصّه...

وشِردَت ْ إلبنيّه !!

زهير كاطع الحسيني

• < السابق
• التالي >