كـتـاب ألموقع
حكومات رآس كوب!// زهير كاطع الحسيني
/ 0
- المجموعة: زهير كاطع الحسيني
- تم إنشاءه بتاريخ السبت, 25 آب/أغسطس 2018 20:01
- كتب بواسطة: زهير كاطع الحسيني
- الزيارات: 2389
زهير كاطع الحسيني
حكومات رآس كوب!
زهير كاطع الحسيني
مِن إجه برايمر كَعد
بساحة الفردوس كَنبص
كَال جيبولي رئيس
أرد أحطّه عَ العراق
الناس شافتها سَهله
إتجمَعت ْ كل الرفاق
بيهم إلـ لبسوا عِمايم
وبيهم إلـ ذبّوا نِطاق
وبيهم إلـ عِدهم سوابق
ومِنهم أصحاب النِفاق
إتجمّعوا يَم الفنادق
بساحة الفردوس كَعدوا
وإحنه شفنه
إلـ يستحي منهم تكتـّر
والدرس درس الأخلاق!
* * *
مين جابوهم وإجوّوي
مِن يا كتِر ؟!
مِن يا زقاق ؟!
شكلّوا مَجلس حكُم
وكل شَهر عِدنه سِباق
وإحنه ما شفناها دوّله
مِثل جزر الواق واق
بالحُكم مَكشوفه سَهله
وما يهمها إلإنزلاق !
همّه ذوله إترأسونه
مؤتمر .. عوده .. و وفاق
حزب إسلامي .. وبلاوي !
وصارت الساحه رِخيصه
ورخص دَمها لا يطاق
وصارت ْ إحكومتنه هوسه
كم تآلف ,,,
وإنشقاق ؟!!
زهير كاطع الحسيني
المتواجون الان
691 زائر، ولايوجد أعضاء داخل الموقع
