زهير كاطع الحسيني
دووو بيت..- إلوَّلَد
زهير كاطع الحسيني
رَبيت الوَلد وإنطيته للعوبه
جيه مالي بخت يشمرني جن طوبه
حاجيته بلطف رأسا ً شلخ ثوبه
ما يخجل بعد .. حَسباته دونيه!
* *
دلّلت الوَلد وعلمته يتبعني
ما دمت بنعيم هَم باقي يطلبني
ولمّن عوزت إلكَيته تاركني
ما ينفع دلال .. ترباته توثيه!
* *
تمرّض الوَلد وبكَلبي داويته
للهِند البعيد مِن جيبي وديته
وجيه هو العزيز مَنطاني وإنطيته
يحاسبني على الدينار والخُرده !
* *
مِن عمري على عُمر الوَلد خَليت
لا يوم الغِبت عنّه ولا تخليت
سكنّته بقصر مِن إيدي وأنا إبيت
تاليها .. رُفع إيده علي َّ!
زهير كاطع الحسيني