كـتـاب ألموقع

هواجس سايق لوري ..!// زهير كاطع الحسيني

• 

تقييم المستخدم:  / 0

سيئجيد 

المجموعة: زهير كاطع الحسيني

تم إنشاءه بتاريخ الثلاثاء, 31 آذار/مارس 2020 10:35

كتب بواسطة: زهير كاطع الحسيني

الزيارات: 1758

زهير كاطع الحسيني

عرض صفحة الكاتب 

هواجس سايق لوري ..!

زهير كاطع الحسيني

إجيت أحضر لقاء بكل إناقه

وأقدمله ال حبيبي الورِد باقه

أثاريني أنا بأوهامي  ماشي

تعيّرني وتكَلي الفقر فاقه

ما غرها اللبس ما هَمها الأوراد

إتريد الذَهب مِن ظَهر ناقه !

الفقير اليوم عِشكَه جن مصيبه

يحب إبغِيّره أكثر مِن صَداقه

وبنات اليوم شاغِلها شاغِل

تبحث عن رَجل رابح بطاقه

تريد البيت كون آثاثه كامِل

وسيارة عِرس تمشي بطلاقه

وتريد من الـ تِحبه كون واصِل

مِن دون الزِلِم سابق رِفاقه

وتريده إمبسّم  ويحمل وَسامه

ماشي برهدنه وعِنده رَشاقه

وشغله مكتبي وإيدرّله  أرباح

مو عامِل وَسخ مَسلوب طاقه

جا إلمَن أروح وآني فشلان

جيره إبكَصتي أعرف سياقه !

زهير كاطع الحسيني

• < السابق
• التالي >