اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

• أبو ذيات وموال

حامد كعيد الجبوري

مساهمات اخرى للكاتب

أبو ذيات وموال

حبيبي نار هجرانك وبالي / الوباء من المرض
وعليمن ماخذ الروحي وبالي / عقلي
يلوموني الشعر أبيض وبالي / قديم
شتريد أتلوم وآنه النار بيه

-----------------

وحك الله عليك عيون صبيت / بجيت
وألك تمثال وسط الروح صبيت / عملت
يلوموني أكبرت حبيت صبيت / متصابي
وآنه أباب الكبر روحي طريه

---------------

سلام الله على خدودك وشافك / الشفاه

أحط عيون بكليبي وشافك / يراك

طبيبك واعرف ابعلتك وشافك / الشفاء

أطيبك بس تمر شفتك عليه

-------------------

قليتو مودتي وتميت ما قال / لم أكره

ترخصوني وعليت ابزود ما قال / لا أقل ، لا أنقص

ضعت بين البخت والقيل ما قال / القيل والقال

آنه بيا قال يالتحجون بيه

--------------

وكِّر يطير الكلب جم غصن جنحك فار / يجوب ، يتنقل

ناعورك الياوكت يلهم ونين وفار / يغلي

هجيت ما تلزم الياحضن تنوي فار / يهرب

أنصحك ما تنصح ما طاوعتني قط / أبداً

تبريني مثل القلم متولي عمري قط / أخذ الزيادة

لعابه بيدك صرت لعبه ولعبها قط / القط

ما يكضي وكتي أبسعد بزون يطرد فار / الفأرة

------------------

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.