حلة الله// شعر: حامد كعيد الجبوري
- تم إنشاءه بتاريخ الإثنين, 10 آذار/مارس 2014 18:26
- كتب بواسطة: حامد كعيد الجبوري
- الزيارات: 1452
حلة الله
حامد كعيد الجبوري
وداعا أهلنا شهداء مجزرة الحلة صباح يوم 9 / 3 / 2014 م
******
لا أم لا أبو لا خوه لا خيات
كرابه ما الج بس الهظيمه
تعلمتي الحزن من هزة الكاروك
ترضعين الصبر سم وحريمه
على مر الزمن ما مرج العيد ؟
توابيت الزمن تكطر ظليمه
محد مسح راسج والكلوب حجار
تحفرلج كبر أيد اللئيمه
خاويتي الجثث بالواحد وتسعين
المنيه اتصيرلج خل ونديمه
الموت أشكد صلف يتخير الشبان
ولا أنمدت ألج أيد الرحيمه
يا ( حله ) أشعجب من فوكج يعبرون
السياسة السوت أبولدج وليمه
كرت عينكم موت ويخلف موت
عاشور ولطم غيمه أعله غيمه
غبره وجوهكم يهل الكراسي السود
بالخضراء محمي والشعب هيمه
يا ( حلة ) الكرم عندج بلايه حدود
حتى بموت ويلادج كريمه
يا أم الترافه والنهر والطيب
يتيمه ومن بجه الحال اليتيمه
**********
حامد كعيد الجبوري
المتواجون الان
525 زائر، ولايوجد أعضاء داخل الموقع
