شاهين سولاكة *

نظام مابيستحي ، لا من الله ولا من عبيدوا

" أوعى الزيت "

ولك صرنا مصخرة بين الناس ..

 كان الناس من مدة عم  يقولوا انو تحسن الوضع ببلدنا ،

وقالوا انو صار في حريات ، وقال سمحوا للهربانين مثلي انو يرجعوا ع البلد ..

قال شو ؟ عم يقولوا انو صار في اخذ وعطا ..

تاري كل الكلام كذب وفبركة مخابرات .

هه ، هي شوفوا بطلنا نسمع عن ترجيع الجولان ، وسمعت كمان انو راح لواء اسكندرونة اللي كان اسمه اللواء السليب وصار بخبر كان ، وصاروا عم يعفطوا الناس على أبو جنب ، شي اختيارية ، وشي صبايا وشي مابعرف شو كمان قال لأنن خايفين .

بس شوبدكن بالحكي ، والله يا عمي طلعوا جماعة النظام رجال لما صار في اعتداء على اسطول الحرية ، استنكروا ، وتظاهروا بالشام ..

هلق أنا شايف حالي كثير اني من من بلد بيحترم حاله ، لأنو بحالوا ، لا بيجي صوب حدا ولا حدا بيجي صوبه ...

وعادل ، أي والله مو مخلي حدا من شره ، وما في فرق مسلم ،، مسيحي ، كردي ، عربي ، تركماني .. مافي كبير ، الكل في الهن حق يزوروا  السجان أبو علي بسجن المزة .

صرت  عم استحي لما بتنفتح سيرة العفط ولملمة الناس بالحبوس ، أخي والله شي بيخليك تستحي اجباري ..

يعني النظام مو قدران غير علينا ؟؟ !!

أنا صرت جاوب (المتهكمين) عم قلن هاد النظام مااجى عن طريق انتخابات ، هاد نظام " ابن : ورتوا عن أبوه ، وأبوه ساوا انقلاب واخذ الحكم بالقوة ، أخي لايفلّ الحديد إلا الحديد ، شو بدك بالحكي ؟

بس أني حديد ؟

خليها لربكم ،  هنن ،  شوية تنك عبينا فيهن زيتون وتين وشوية زيت ..

عرفتوا مين هنن ؟؟

كان بالشام يقولونا : أوعى الزيت ، ماكنا نفهمها ..

 مافهمتا إلا بعد مامسكوا تلت ارباع أولاد وبنات البلاد ..

بشان هيك رح قول لولاد البلد اللي عايشين بالخوف : اوعى الزيت .

= = = = = = = = = = = = 

* ناشط في حركة الوفاق الوطني السوري في النمسا .

أضف تعليق