اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

أم حسـيـن// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

أم حســــيـن*

ميسون نعيم الرومي

 

عشرين اسنين اتجر اسنين

تفـرج گالوْ بالخمســــيـن

بوگ او ذبح اوممنوعات

جوه (الجبه) باســم الدين

-(دستور) امفصل تفصال

*(مصْرَع) يفتر بالصوبين

شكبان (اوعود) او موعيدين

نامي اوحلمي يم حســـين

***

-(الخزنه) انقسمت اقسام:-

*(لشباح) السلطه المخفيين..

وايران التغرف بالكيف..

اوكروش الماتشبع .. تدرين

وصنعاء او سوريـَّه اوبيروت

وما ننسه حصة (بوتين)-

وعـْـدَوْ تفرج بالخمسين

اتغطي اونامي يم (حسين)-

***

طهران اوياهه اسطنبول

لعبت بينه من عـقـديـن

واعراق الخير المهجوم

بيدين الخونه المبطوحين

ماي الله المگطوع امن ازمان

*و(فرات) او(دجله) المذبوحين

دگي اولطمي يم حسين

حلفـَـوْ تفرج بالخمسين

***

انذبحت (آلاف) الشــــبان

دمهم يجري من (تشرين)*

وابدمهم بدلوه (القانون)-

*(سانت ليگو).. تتذكرين..

والسيد ابدا (ما معذور)*

خلاهم بينه ايلعبون

لا چـَن ضحينه !!

اولاچن مرت عشرين..

امن البدوه او ردينه يم حسين

ابدم ابنچ (حنيهم) يم حسين

گالوْ تـفـرج بالخمسين

-----------------------------------

أم حسين :- كناية عن الأمهات العراقيات

------------------------------------

*(مصْرَع):- لعبة من لعب الأطفال تدور حول نفسها بسرعة

---------------------------------

*أشباح :- اقصد الموظفين الفضائيين (الوهميين) وكذلك الذين يستلمون اكثر من راتب واحد.  الذي يبلغ عددهم اكثر من نصف موظفي العراق

-------------------

دجلة والفرات:-وكما صرح وزير الري العراقي ان إيران وتركيا قطعتا المياه بشكل كامل عن العراق

--------------------------

*تشرين :- ثورة تشرين هي تظاهرات اندلعت في 1 تشرين الأول سنة 2019

في بغداد وبقية محافظات جنوب العراق احتجاجاً على تردّي الأوضاع الاقتصادية للبلد وانتشار الفساد المالي والإداري والبطالة والتي اعطت أكثر من ألف شهيد وأكثر من 25000 معوق وجريح

-------------------------

*سانت ليگو:- او ما يسمى قانن بريمر. اول قانون للأنتخابات في العراق

------------------------

السيد:- مقتدى الصدر الذي تنازل عن العملية السياسية بعد ان كان الرابح الأول في الأنتخابات فشكل الخاسرون الحكومة الحالية

---------------------

 21 / آذآر/ 2023

سـتوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.