اخر الاخبار:
تفكيك مجموعة اجرامية "خطيرة" في بغداد - الأربعاء, 12 حزيران/يونيو 2024 10:52
  • Font size:
  • Decrease
  • Reset
  • Increase

من يوم معرفتك// إسراء فرحان

تقييم المستخدم:  / 0
سيئجيد 

إسراء فرحان

 

عرض صفحة الكاتبة 

من يوم معرفتك

شعر إسراء فرحان

 

من يوم معرفتك گلبي غريب أطوار

وتيّهتْ عقلي بيك من يوم معرفتكْ

وانسيتْ كل البشر من أهل.. من أصحاب

ومن بين كل الناس حبيتك وردتكْ

خليني لُو مفتاح عند الخصر ينشال

لُو حتى رشّة عطر علگانة برگبتك

لو حتى خليني مراية على الحيطان

تتمشّط گبالي.. وبروحي رتّبتكْ

لُو حتى سالوفة حلوة بگلبي فنجان

تحجي احجاية فرح عن حظك وبختكْ

واحسبني ونّاسة ولمّن تفز بالليل

تلگى العشگ يضوي.. واعيوني حارستكْ

لو بردا للشباك وأكسر عيون الشمس

لو جت تناظر بيك حسبالي عاشگتگ

خليني گدامك لو أي غرض بالبيت

يوميّة تلمحني بأجزاء من وقتكْ

وآنا أظل وياك واگليبي هايم بيك

وأتأمل عيونك.. وهندامك.. وسَمْتَكْ

بسكوت تلمحني.. وبسكوت تنساني

وبسكوت أنا أشتاگ.. وبسكوت عاشگتكْ

ما گلت لك گلبي صاير غريب أطوار

وتيّهتْ عقلي بيك من يوم معرفتكْ

 

شعر: إسراء فرحان

                                                                                

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.