مــو.. قـنـدهـار// ميسون نعيم الرومي

• 

تقييم المستخدم:  / 0

سيئجيد 

تم إنشاءه بتاريخ الإثنين, 02 أيلول/سبتمبر 2024 06:37

كتب بواسطة: ميسون نعيم الرومي

الزيارات: 937

ميسون نعيم الرومي

عرض صفحة الكاتبة 

مــو.. قـنـدهـار

ميسون نعيم الرومي

اعراقـنه شــدَّة ورد

اعراقـنه مو (قـنـدهار)-

ابغـفـله جيتو امن الزمن

جـار الفـگـر .. جار

اهجمتـوْ وطنه .. مابقه

طار النـفـط ... طار

باچـر قـريـب او يجي

مثـل الگـبـل....( فـار)-

اعـراقـنه شــدَّة ورد

اعراقـنه مو قـنـدهار

 مو قـنـدهار

***

احنه الحضارة والمجد

العالم باثـرنه (سـار)-

اهـل الكـرم والقـيم

اكبارنه ... وازغار

المرأة عـدنـه مدرسه

المرأة نـور او( نار)-

مثـل السبع لوحچت

لا مو ابـد ...(عار)-

اعراقـنه شــدَّة ورد

اعراقـنه مو قـنـدهار

مو قـنـدهار

***

-(طفلـتـنه) قطعة امن الچبد

الها نصير.. اجدار

قانونكم مـَــيـْمر... ابـد

يا (مرْضَه) يا ..عار

باچـر يـِهـب الشعـب

شـعـب العراق (الجبار)-

يـغـسل (ادران) الاجت

تضوي دنـيانـَه .. منار

اعراقـنه شــدَّة ورد

اعراقـنه مو قـنـدهار

مو قـنـدهار

-------------------------------------                        

1 / أيلول / 2024

ســتوكهولم

• < السابق
• التالي >