اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

أغنية الميلاد// زهير الدجيلي

تقييم المستخدم:  / 0
سيئجيد 

 

أغنية الميلاد

زهير الدجيلي

إلى الحزب الشيوعي

العراقي في عيده الثمانين

 

لو صار الوكت واكف ابوجهك صيح

صيح وكول . . كول وصيح ..

 أنه حزب الشيوعيين ماطيح

 

****

أنه ورد  العراق  وحُمرة  الأشواك

أنه الأصحاب والأحباب والعشّاك

أنه الحب الجميل ولهفة المشتاك

 أنا المصباح مايطفه اذا تطفى المصابيح

صيح وكول  .. كول وصيح  ..

 أنه حزب الشيوعيين  ماطيح

 

****

خلّ  انشوف ياهو الحفَظ  عهد الناس

وياهو اللّيّ  بقه  مهيوب  عالي الراس

أنه الهيبة الشيوعية الليّ  ماتنداس

أنه العمال لوصاحوا وأنه صوت الفلاليح

صيح وكول .. كول وصيح

 أنا حزب الشيوعيين ماطيح

 

****

بالك لاتعيل  الناس مايرضون ..

مايرضون تحكمنه حكم فرعون

أنه الكلمة الضويّة وين ما اكون

أصحّي الكون حته ايهّب هبوب الريح

صيح وكول  .. كول وصيح

أنه حزب الشيوعيين ماطيح

 

****

أنه نخل العراق وشجر بستانّه

وأنه العنوان للّيّ ينسه عنوانه

عراق النور محد يسد بيبانه

أنه مفتاح آماله بزمن ماله مفاتيح

صيح وكول .. كول وصيح

أنه حزب الشيوعيين ماطيح ..

 

****

ياخذني الفجر كل يوم بعيونه

أمل للناس لون الشمس من لونه

واذا هاج البحر  ومحّد يجي دونه

أنه المّلاح في موجه , كبل كل الملاليح

صيح وكول .. كول وصيح

أنه حزب الشيوعيين ماطيح

ـــــــــ

 الأول من آذار 2014

 

 

أضف تعليق


للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.