اخر الاخبار:
الاتحادية توقف امتيازات النواب - الإثنين, 23 تموز/يوليو 2018 10:18
البطريرك ساكو: المسيحيون مظلومون - الإثنين, 23 تموز/يوليو 2018 10:03
  • Font size:
  • Decrease
  • Reset
  • Increase

دارميات// ميسون نعيم الرومي

تقييم المستخدم:  / 0
سيئجيد 

 ميسون نعيم الرومي 

 

 

الموقع الفرعي للكاتبة

دارميات

ميسون نعيم الرومي

 

 شعر الدارمي او غزل البنات شعر الفرات الأوسط

 

بشليلي الم انجوم وانثر دربكم

والگمر ضوَّه الليل يمشي بثركم

***

حروفك ترافه اوهيل عنبر سحرهه

بحر العشگ مفتون حاير بمرهه

***

غصبا واهيد الروح مگدر عليهه

خلتني چن مجنون كله امن اديهه

***

ضايع گمرنه الچان يزهي ابسمانه

عينه تصد للغير راح اونسانه

***

حاير واعاين ليك يوليفي يالصد

مدري الورد بالإيد مدري على الخد

***

اتعثر ابممشاي والدمع يهمل

اسأل وادور اعليك يالانت لجمل

***

قوس اوقزح لعيون حرت ابوصفهن

اهوايه تره حلوات وانتِ گمرهن

***

اتنطرك كل يوم عيني على الباب

هايم انا حيران والعشگ چذاب

***

مولح صبيهه العين والدمع وشـٓـل

راح اوإجه رمضان .. ياريتك اتهل!

***

خليني اعاين ليك لن روحي بيدك

چا هيـّه مو بالكيف گلبي يريدك

***

لملم اگليبك هاذ روح اشرد ابعيد

لاينفع ابره اوخيط لا حتى تجديد

***

گمره اوربيع اليوم حلوه اوضويـّـه

وامطرزه ابنجمات اسمانه اوزهيـّه

***

ياذيني هذا الليل مخاوي ونيني

يچيم جمر بالروح كلما يجيني

***

نار الگلب تنور ماتطفه بدموع

تربي تظل لعيون بس تبچي وتلوع

-------------------

تموز/ 2018

سـتوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.