اخر الاخبار:
مقتل 5 أشخاص في حوادث أمنية بكركوك ونينوى - الجمعة, 28 شباط/فبراير 2020 20:07
صحة الكرخ تسجل ثاني اصابة بكورونا - الجمعة, 28 شباط/فبراير 2020 19:40
تحشيد لتظاهرات واسعة في بغداد - الجمعة, 28 شباط/فبراير 2020 19:36
وضع أول رئيس دولة تحت الحجر الصحي - الجمعة, 28 شباط/فبراير 2020 11:05
  • Font size:
  • Decrease
  • Reset
  • Increase

بين البيوت اسلاح؟// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة

بين البيوت اسـلاح؟

ميسون نعيم الرومي

 

طوبه اوصرت ياحيف .. كـِلهـَه تـِرفسَـك

يعراقي شنهي الصار.. التـَمـَّـت تـِفـِرْسَـك

***

سـاحة حـَـرب يـردوك .. نصبوْ مدافع

فـوگ الفگـر والضيم .. للجاره دافـِـع

***

بيـن البيوت اســـلاح ؟ محـّـد يهابـه !

شعب السِـكت مذلول .. مخلوعـَه بابه

***

من حرب الحرب چم دوب ؟ تغسل بالدموم

ياهـو اليجي يوليـك .. يا شــــعب الهموم

***

لعيونه كلشي ايهون .. جار المصايب

واليرضه باللسـعات كل وكتـَه خايـب

***

فـَرْغو وطنه افلوس .. هم خيره منهوب

للجاره كلهه اتروح .. والحرب عالبوب

***

(يالملحه) ربّي اولاد .. زتي للحروب

حصتچ عـَـلـَم ملفوف .. وانتي بالدروب

***

حكام اجونه اجناب .. امن الجاره صوغه

صار العراق اتراب .. وابگلبه شـــوغـَه

***

چـَـنـَّـك تظل منذور .. للحرب دومك

يالشعب نايم ليـش .. طولت نـومـك

***

مولح صبيهه العين .. من صب الدموع

من الزغر لليوم .. بـس نـبچي وانـلوع

------------------

21 / آب / 2019

سـتوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.