اخر الاخبار:
البابا فرانسيس يؤجل زيارته إلى العراق - الأربعاء, 26 شباط/فبراير 2020 19:33
مخاطبات نيابية بشأن عائلات داعش في نينوى - الأربعاء, 26 شباط/فبراير 2020 19:28
مصدر : حصيلة جديدة لاحداث الخلاني امس - الأربعاء, 26 شباط/فبراير 2020 10:05
محافظة نينوى تعطل الدوام الرسمي بسبب كورونا - الثلاثاء, 25 شباط/فبراير 2020 19:29
  • Font size:
  • Decrease
  • Reset
  • Increase

هايه بناتك يا وطن هايه// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

هايه بناتك يا وطن هايه

ميسون نعيم الرومي

 

هيبه للشرف وايعلن الرايه

-(هايه بناتك يا وطن هايه)-

وحدتهن بـَ الف وايرفعن الرايه

***

انشوده الثورتك يعراق غنواته

ابنيات الوطن ثـَـرْوِتـَه اومايه

سندن ثورتك بالروح بالخدمات

واليفتي چـذب لابـد إله غايـه

***

أم آنه اوإخت وآنه الحـْبـَيبـَه

مدفوع الثمن والطشر ادمايه

يوميه راي اواله متقصد التخريب

كافي اوبس بعد ملينه الروايه

***

تاريخ انكتب والشهدت الأزمان

كل طاغي حكم لازم إله انهايه

جونه امن العدم باگونه كتلونه

ذبحوا بالشباب اوصارت اسبايه

***

أحزاب الغدر، متفقه والحكام

عَ الكرسي لزگ والسلطه نسايه

فاليحيى العراق اويحيى ثواره

عينوني يخوتي اوهتـْفـوا ويايه

***

-(هايه شبابك يا وطن هايه)-

بيهم نفتخر وانعلي بالرايه

-(هايه بناتك يا وطن هايه)-

بيهن نفتخر وانعلي بالرايه

----------------

الى بنات ونساء العراق الثائرات اهديها

13/شباط/2020

ســـتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.