اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

بطـِّـل يـفـْلان// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

بطـِّـل يـفـْلان

ميسون نعيم الرومي

 

من أزغركم لكبركم اذناب

اعمامه اوجـبـَّه اوقمصان

مليارات الوطن اتبوگون

تـتهـَـرَّب كـلهه (الايران)-

حـفاي اوجـيتوا امفاليـس

اتملينتوا اسرقتوا الأطيان

خـَربتوا الوطن الچان ايهلهل

فـَـلـَّشـتوا حتى الحيطان

***

يالصايـر شـرطي الايـران

تـذبـَح تـضرب بالشــبان

تـِـتـْـفـَـنـَّـن تكتل تخطف

طلقات اوصچم اودخان

تفرض ع الشعب اتريد

-(علاوي محمد) .. مرفوض امن ازمان

ضنـّيتـَك للفقـره اتساند

ثـاريـّـك الهـم خـَـوّان

***

انكشـفـَـت لوجوه انفضحت

والخائـن يـبـقـَه الخـَـسـران

اخسرت السمعه اخسرت الصيت

واليخسر تاريخه ايضل نـَـدمان

عندك حـَـسْــبـَه انـوب اتريد؟

لا .. مينفعك .. بطـِّـل يفلان

تطويـق (التحرير)اشــلون ؟

والدم ايصبـّح نـِـهـْـران !!

***

الشــعب الثـائـر مـَـنصور

واليتحدى الشعب ايرد خيبان

تاريخه ايخسره اويخسر ربعه

مـَـنـبـوذ ايـضل فـَـشـلان

راجع نـَـفـسـَـك لا تـنغـَر

اجـدادك چانـوا مـيـزان

متحمس جاي امحـَـزَّم ؟

بسلاحك عَ العـُـزَّل فرحان

***

ثـَـورتـنـَه ثـورة احـرار

ثـَـورتـنـَه ثـورة شــبان

-(عـِگـّـرَوْ) رجليهم ميهابون

وابـدمهم فاضت شـــطآن

كلهم هتفوا صاحوا صوت

-(للثوره يا جيل الشجعان)-

يا شــعب الثائر حياك

ثـَـورتـنـَه ثـورة بركان

-----------------

24/شباط/2020

ســــتوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.