ثـنوه ابنياتچ ثـنوه// ميسون نعيم الرومي
- تم إنشاءه بتاريخ السبت, 21 آذار/مارس 2020 18:47
- كتب بواسطة: ميسون نعيم الرومي
- الزيارات: 1932
ميسون نعيم الرومي
ثـنوه ابنياتچ ثـنوه
ميسون نعيم الرومي
اهديها الى المرأة العراقية بمناسبة عيد الأم
*(ثنوه) ابنياتچچ يا (ثنوه)-
ورد امفتح بيضه اوسمره
قـِدْوات اوبـيهـن نـِفـْخـَـر
-(مـَلـْكوك) السماهن عـَوْرَه
صوتچ عالي هـَـزّ الكون
-(اعراقيه) وانتِ الثوره
***
ليلو اويلمع،محله اعيون
اغزيله امضمـْرَه يالحلوه
نجمه اوتلمع يا محلاچ
بخدودچ شعـَّـت گـَمـْره
-(ثنوه) ابنياتچ يا (ثنوه)-
گلبچ يا (ثنوه) اشـكبره؟
***
امأصله الحلوه اتهزالگاع
إخـت الإخـوه يالنـمـْرَه
سـومر اهلچ وي آشور
تاريخ اليشهـَـد يالحرَّه
رادوا غصباً وايـذلوچ
درس انطيتيهم عـِـبـْرَه
***
ما تـتراجع بنت اأصول
سلطه اوتظلم بـَـرَّه بـَـرَّه
فالتحا ثـِـورة تشــريـن
ثـوره شـَـعبيه اوفـِـكـْره
-(ثنوه) ابنياتچ يا (ثنوه)-
بـيـچ الثـوره مـنـْـتصرَه
----------------
*(ثنوه) اسم والدة ايقونة ثورة تشرين الشهيد صفاء السراي الذي كان يحب ان ينادوه (ابن ثنوه)
لهما المجد والخلود
-----------------
21/آذار/2020
سـتوكهولم
المتواجون الان
556 زائر، ولايوجد أعضاء داخل الموقع