اخر الاخبار:
تسجيل 48 اصابة جديدة بكورونا في السليمانية - الأربعاء, 03 حزيران/يونيو 2020 19:02
تسجيل إصابتين جديدتين بفيروس كورونا باربيل - الأربعاء, 03 حزيران/يونيو 2020 10:56
أربيل تخفف قيود حظر التجوال بإعادة فتح الأسواق - الثلاثاء, 02 حزيران/يونيو 2020 19:25
العراق يسجل اعلى حصيلة يومية بكورونا - الثلاثاء, 02 حزيران/يونيو 2020 19:21
قرارات جديدة لمجلس الوزراء - الثلاثاء, 02 حزيران/يونيو 2020 19:19
مقتل 15 عنصرا بتنظيم داعش في كركوك - الثلاثاء, 02 حزيران/يونيو 2020 11:28
  • Font size:
  • Decrease
  • Reset
  • Increase

وينه الشريف اليستحي// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

وينه الشريف اليستحي

ميسون نعيم الرومي

 

اتعـَـلم حچي يالصحفي

امكسـّـر اشماله العربي

لابس الخاكي اومنتشـي

وينه الشريف اليستحي؟

بويه اوصبغ ياهو اليجي

سـبيتوا شـعبنه سـَـبي

ويـنـَه يـناس اليسـتحي؟

***

سـَـ اوسوف..نؤكد اوننصح..

ممجوجـَه واتـْلعب النفس

كـل يـوم چـَـنـَّه مثل امس

وجوه امعدده..النفس الفـِلس

شـويـّه انعدل (يالكاظمي)-

شـعبك تعب من الحچي

ويـنـَه يـناس اليسـتحي؟

***

ما شـِفـْـنه منك لا عمل

باغت..او اضرب..لوبطل

يـنـْـزف شـعبنه ابلا أمل

بـَـزّ البطن ما يـنحمل

عَ الشعب راهن وانتچي

قانـون طـَـبـّـق واحتمي

ويـنـَه يـناس اليسـتحي؟

***

هذا (العراق) المنكوب

مـِنـَّـك يـريـد المطلوب

لوعدل تمشي..اومحبوب!

لو للدجل ..خو منسـوب

ميزان يوزن ..مو حچي!

شعبك تعب بس يرتجي

ويـنـَه يـناس اليسـتحي؟

***

تلزم عصايه امن النص؟

تـِـنـفع السـارق واللص

نفس القصص!كافي اتقص

ما تـِنـْـبـِـلع .. بيها اتغص

لا تـعـتـِقـد شـي مختفي

-(ابدم الشباب) اوتـنچوي

ويـنـَه يـناس اليســـتحي؟

---------

20/ مايس/2020

ســتوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.