اخر الاخبار:
العراق يسجل 2334 إصابة جديدة بكورونا - السبت, 04 تموز/يوليو 2020 20:43
انفجارات داخل المنطقة الخضراء - السبت, 04 تموز/يوليو 2020 20:40
الصحة تسجل 2312 إصابة جديدة بكورونا - الجمعة, 03 تموز/يوليو 2020 19:39
  • Font size:
  • Decrease
  • Reset
  • Increase

كلما يهل الگمر// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

كلما يهل الگمر

ميسون نعيم الرومي

 

كلما يهل الگمر

اتمعنن ابنوره او احن

نجمات چن زفة عرس

والليل كحله للرمش

السمه شذرات اوضوت

عالرگبه گردانه

النخل يتمايل غنج

غنوة فرح بسمانه

والنسمه وي طرت الفجر

غنت فرح نهرانه

يادجله يالمايك عذب

حلم اوأمل عنوانه

***

الموج عالي يابحر

والروج يتهاده اويرد

نوبه ابفرح نوبه ابغضب

الريح تلعب لعب

ما تنحزرلا تنعرف

مركبنه ضاعت وجهته

قبطانه تاهت عرفته

متعوب يا ليل السفر

والعمر راح اتعده

الصبر گاعه مولحت

ماضن يخضر ورده

أحاه يا ديرة هلي

خيرچ الغيرچ عده

***

حرگوا الحنطه والشلب

فلاح دمعه ابچفه

عامل يحومي ع البعد

تحفر العبره ابخده

چم دوب نبچي اوننتحب

والحسره تچوي بالگلب

يا لليل عـَـشعـَـش بالبلد

ناشر عباته اوحزنه

واشعلنه شمعه للشمس

يوم او تمر تذكرنه

اتعبنه يادنيه بعد

من محنه نغزل محنه

***

الوطن باگوه الوطن

لتگول يمته اوتحن

اسكت اومامش رجه

مات الحلم بسك تون

كافي يروحي بعد

طالت اسنين البعد

والعين تربي اوترد

تترجه يوم امن الصبخ..

يزهر او ينبت ورده

سيس بلمنه ابلا هدف

والدهر يلعب بينه

لاچنه رحنه اوجينه

لاچنه رحنه اوجينه

---------------

2 / حزيران / 2020

سـتوكهولم

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.