اخر الاخبار:
العراق يسجل 4593 إصابة جديدة بفيروس كورونا - الجمعة, 25 أيلول/سبتمبر 2020 19:40
لليوم الثالث.. هزة جديدة في السليمانية - الجمعة, 25 أيلول/سبتمبر 2020 19:32
  • Font size:
  • Decrease
  • Reset
  • Increase

چـَـم دوب ..؟؟// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

چـَـم دوب ..؟؟

ميسون نعيم الرومي

 

بالحايط مسحـْـنـَه الإيد

والعمر شمعاته طفـَـن

شـمعه ابأثـر شـمعه

غابت شمسنه وارحلت

چمدوب الظلم .. والظلمه؟

***

ليوين رايح يا وطن؟

ليوين غارگ بالمحن..

والشعب يسبح .. ابدمه

دولة رعب.. نفس الفلم

بيهه القتل..حرفه اصبحت

والناس .. ما همهه

***

اتبدلت اوجوه اشكثر؟

نفس النهج ع الخسه متعلمه

عصابات اتريست..

تنهب نهب ..للبوگ ممتهنه

تخطف اوتذبح كل وكت

بالموت متحزمه

***

الوطن ينزف يظل

والشعب دمه مانشف

حروب امعدده..جوع او مرض

ايتام او ارامل تنتحب..

تشخص للسمه..

ترجه ابنهه ايسلمه

***

هم گلنه بيه الأمل..!

بلكي اولعل ينصفـنه

يمته يربي نتعظ وانعوف طيبتنه

من قال اوبله ياهو اليجي يخدعنه

نتبرع اوننطي بالفرص

نشبع ظلم .. نحلم ابجنه

***

ولدك تموت اوتنذبح

من محنه تدخل محنه

چم دوب گلي يا وطن

تاخذنه چلمه واترد !!

چم دوب الذبح والظلمه

چم دوب..؟؟

--------------

 11 / آب / 2020 

ســتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.