اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

(بابا) ( باوكه) (يابه) (بويه) (ياب)// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

(بابا) ( باوكه) (يابه) (بويه) (ياب)

ميسون نعيم الرومي

 

* (بابا) (باوكه) (يابه) (بويه) او(يياب)-

تچوه النه اوظهر يحمي ..

غيبتك للگلب تدمي

يتم بعدك بي مذله اوبي خنوع

ما تضوي بعدك تنطفي كله الشموع

خبزه اوتغمس بالدموع

والأب يظل .. رمزعنوان الخشوع

***

يابه مرجع .. حچـيه نسمع

*(باوكا) (زور جوانه) اوكله طيب

حلوه كلش يا حبيب

(بويه) قوه أبـوَّه اوهم سند

بالشدايد (بابا) طيبه اوبي محنه

اطباع حلوه اورثنه منه

على چتفه (بويه) نكبر

على صدره همنه يزغـر

خيمه (يابه) اوسـِـدَّه دافي

ابطيبه يتعب خيره وافي

ســهـَر ليله اوما يـنـام

لو مرضنه حضنه شافي

***

من اصيحن آنه (ياب)

گلبي يضوي بالسعاده اوبالحياة

طفله ابـقـَه ابحضن ظلـَّه

نوبه اصيحن (بويه)..خايف

نـوبه اگولن يابه .. افرح

نوبه أنـْدَه (بابا) ليك

نوبه (ياب) اوبي دلال

جـَـنـَّه اسمك بي نعيم ..

اويا نعيم او يا نعيم

بعد اسمي .. يضوي اسمك ..

يا عظيم

***

تغفه بعيونك نجوم

وابجبينك شمس تضوي والعلوم

ظلمه صارت من رحت..

وآنه مهمومه انطفـيـت

نشف دمعي والله يابه ..

ما بچيت .. اولا نسيت

البلابل بالحديقه كلهه شالت

ضاگت الدنيه (ييابه) اوبينه مالت

أرد اذِكـْرَك .. ما نسيتك

***

هذا اسمك ايضَوّي اسمي ..

بعد اسمي شمعه اسمك

يحيي اسـمي ..

يحمي اسـمي ..

فـدوه لسمك

رحت انت اوهاذ رسمك

 

*(بابا) (باوكه) (يابه) (بويه) (اويياب)-

وانت (بويه) .. دوم غالي

تبقه غالي .. والله (ياب)-

غالي (بابا) .. والله (يابه) ..

(باوكا) نغمة عود اوياها ناي

عيني (بويه) .. والله (ياب)-

*(بابا) (باوكا) (يابه) (بويه) (ياب):-

مناداة الأب في اللهجات العراقية المختلفة

---------------

*(باوكا) مناداة الأب باللغة الكردية العراقية

*(زور جوانه) جميل جدا باللغة الكردية

----------

ســـــــــــــــتوكهولم

13/أيلول/2020

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.