اخر الاخبار:
أربيل تصدر قرارات جديدة لمواجهة فيروس كورونا - الإثنين, 19 تشرين1/أكتوير 2020 19:41
"جريمتا السبت": الى أين يراد جر العراق؟ - الإثنين, 19 تشرين1/أكتوير 2020 10:47
صالح يستقبل سكرتير الحزب الشيوعي العراقي - الأحد, 18 تشرين1/أكتوير 2020 19:51
  • Font size:
  • Decrease
  • Reset
  • Increase

هلهولة فرح// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

هلهولة فرح

ميسون نعيم الرومي

 

مثل هلهولة فرح

يتضاحكن لو مرن احديثات

اوعلى رنـْـة الحجل..

يتمايلن وكت العصر ترفات

قداح اويعط بالدرب

لو مرن احليوات

لون السنابل ع الوجه

والطول چن شمعات

والگذله خيط امن الشمس

وامطرزه ابنجمات

امن ابعيد چن زفة عرس

لو غنوة اطويرات

عفه اودلال او حسن

-(لعماره) بيچن تفتخر(ميسان) يبنيات

***

الشامه ع الوجنه ضِوَت

بالروح گمريه

ترچيه اوتلاوي الزلف

اشمحلاچ يبنيه

الشعر طايح ع المتن

والشفه ورديه

لخدود نجمات اوغفن

لوني اغلطت جوريه

اطويره حلوه امضمره

فدوه امعدله اجنوبيه

وحدتهن احزام اوللظهر حوريه

چانت الناس ابفرح

والدنيه مزهيه

نحلم ابيوم اوترد

بغداد مضويه

يمته يادنيه اوترد

بغداد مضويه

------------------

21/أيلول/2020

ســـــــــــــــــتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.