كـتـاب ألموقع

في أشعاري بِتْزَهِّري بستان// سيمون عيلوطي

• 

تقييم المستخدم:  / 0

سيئجيد 

المجموعة: سيمون عيلوطي

تم إنشاءه بتاريخ الأحد, 26 تشرين2/نوفمبر 2023 19:58

كتب بواسطة: سيمون عيلوطي

الزيارات: 998

سيمون عيلوطي

عرض صفحة الكاتب 

في أشعاري بِتْزَهِّري بستان

سيمون عيلوطي

بَعدَك يَ قَلبي هيك

عا حالَك

وْبعدَك بِتِشغِل

بِالهوى بالَك

أحلامي ظلَّت نَفس

هَالأحلام

مَسحورَه في سِحرَك

وِجَمالَك

وْبَعْد بِتعَجِّل

فِ هاَلأيَّام

تَنِّي أقرِّب

بَهجِة وْصـــالَك!!

*

ياسمينِه  بَلمَحِك

في نيسان

تِتعَربَشي شُبَّاكي

لْمَفتوح

طيب عِطرِك

يِمْلا المَكان

وين أروح عَبيرو

بِويْفوح

وْتِتشَكَّلي في أشعاري

بُستان

 أذوق من تُفَّاح

بُستانِك....

*

في هَواكي أدَندِن

وَبـوح

يا ليل في حِلمي

هَالشَــفَّاف

أظل في بَهاكي

أسوح

في صفاكي عَالنَّدى

النَّفناف

تِبعَثي من عِندِك 

حَمام الدُّوح ....

يِحمِلني فوق جْناحو

الهَفْهاف، ...

مـا حِس حالي

إلَّا قْبالِك!!                                                                                 

• < السابق
• التالي >