كـتـاب ألموقع
فكـّونه كافي بسْ! شكـْـلوا حكومه// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الخميس, 09 كانون1/ديسمبر 2021 19:17
- كتب بواسطة: ميسون نعيم الرومي
- الزيارات: 1895
ميسون نعيم الرومي
فكـّونه كافي بسْ! شكـْـلوا حكومه
ميسون نعيم الرومي
يوميه فد تفجير هجموْ وطنه
تتهادد الاحزاب والموتى احنه
***
فجروْ (البصره) اوغاد صرنه ذبايح
هـذا الفـلم يـنعـاد والوطـن رايـح
***
تتصالح الأحزاب فرحتهه دمنه
تتعانـد الأحزاب تـنـثـر لحمنـه
***
(فكـّونه) كافي بس ! شكلوا حكومه
يا وطن يا مضيوم كلهه تِـلومـه
***
يا وطن يا مهيوب واولادك ايتام
باچر يصير احساب والظلم مادام
***
خنتوا الوطن والناس خنتوا الأمانه
والشعـب ذليـتـوه عـوز او مهانـَه
***
يزهي وطنه الچان صاير خرابه
لا كهـربه لا ماي لا شغل
لا خدمات لاكـو طـِـبابـَه
***
هذا العراق الچان هيبه اومهابه
ذلـَّـته هالحكام كـتـلت شــبابـه
***
كلكم ثبت سراق انخلتوا الخزاين
البلكرسي لازگ بيه للوطن خاين
***
لو دام الحكم للراح چا ما وصلكم
شـلع او قـلع يـنـراد للجوگه كـلكـم
----------------------------
يوم الثلاثاء المصادف 7/12/ 2020 انفجرت دراجة نارية مفخخة عند تقاطع الصمود القريب من المستشفى الجمهوري وسط البصرة ما أسفر عن مقتل وإصابة عدد من الأشخاص تضاربت حولها الأرقام الرسمية مع المصادر الأمنية وشهود العيان
---------------------------
9/12/2021
ستوكهولم
المتواجون الان
816 زائر، ولايوجد أعضاء داخل الموقع