كـتـاب ألموقع
(8/ آذار) الى المرأة في عيدها// ميسون نعيم الرومي
/ 0
- المجموعة: ميسون نعيم الرومي
- تم إنشاءه بتاريخ الثلاثاء, 08 آذار/مارس 2022 19:19
- كتب بواسطة: ميسون نعيم الرومي
- الزيارات: 1792
ميسون نعيم الرومي
(8/ آذار) الى المرأة في عيدها
ميسون نعيم الرومي
كل النسـاء اليوم جاي آنـه اهـَـنـّي
نور اوترافه اوخير.. للمرأه اعني
***
المـرأه ام الناس والحـضن دافـي
عدهه الأمان اوحب والگلب صافي
***
المرأه هـيـَّه الخيـركـلهه مروَّه
اختك سند يحميك والخوَّه خوَّه
***
أمك تظل تتناك لو غبت عنهه
تغفرلك الزلاّت ماتـدري چنهه
***
الأم دوه للروح فدوه الإسمهه
الجـَـنـَّه گال الله جـوَّه رجـلهه
***
مو انتي تـنـذلين انتي الأبـيـّه
گلبچ چبيراهواي گلب (النـبـيـّه)-
***
المرأه رفعة راس مو أبد عـَـوْره
المرأه وكت الضيج للوطن ثوره
***
لا أبد ما ترضين سلعه تصيرين
بالعلم والتصميم انتي تكـبريـن
***
-(بالعلم) تتنوريـن يعـْـلـَه مقامچ
مو جاريه ترضين وانتي ابمكانچ
***
تاج الشعر ع الراس امن الله هديه
جوَّه الچتـف نثريه وانتي الأبيـّه
--------------
8 / آذار/ 2022
ســـتوكهولم