اخر الاخبار:
وفد رفيع من قوات البيشمركة يصل بغداد - الخميس, 23 حزيران/يونيو 2022 10:56
هجوم صاروخي على شركة دانا غاز في السليمانية - الأربعاء, 22 حزيران/يونيو 2022 20:22
  • Font size:
  • Decrease
  • Reset
  • Increase

كـتـاب ألموقع

بغداد يا عشگ الأزل// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

بغداد يا عشگ الأزل

ميسون نعيم الرومي

 

-(بغداد) يا عشگ الأزل – شوگ اودفو بحضانهه

كل شارع اوبيت اودرب – ريـحة وفـَه باعـْطافهه

والنخـله وي طرت الفجر – اتشـع بالدفو انفاسهه

-(فختايـه) والبلبـل غـرد – نورس حمام اصحابهه

والناي للشـاطي يحـن – وكت العصر يـحلالهه

***

يا (دجله) عشگـتهه الشمس – تغـْـفـَه تنام ابمايهه

والگـمـر ليـليـّه يجي – فضـَّه يطـِش وابگاعهـه

قـدّاح واقـرنفـل ورد – عـِطـْره يـِـفـِح بكتارهه

ميـوَتـْهه وامخضر طـَعم – مثل العـسل اعنابهه

والگاع لو نـَـثّ المطر- ريحة عـِـطر باترابهه

***

بساتين النخل ما تنوصف – تلمع ذهب ارطابهه

-( بغداد) حـلوه امدلله – لگعـِد واحني اجدامهه

أم (النبايه) ابكل زمن - انجوم السمه خلخالهه

بالشـَعر تتباهه اوتـِنـْـثـِرَه – لون الكحل,, لجتافهه

كرخ اورصافه اوالجسر- عيون (المها) ابنياتهه

***

-(بغداد) أمّي اوهلي – ابروحي تنز اجراحهه

يحبـيـبه طال الظلم – ضيم الچـثـيـر الصابهه

حلوه ، أبـيـّه ، امعدّله – لفـَّـت ولدهـَه ابشـالهه

-(بغداد) مرمرني البعد – روحي تحومي ابابهه

يمته الخلاص اشوكت؟ – ضحكه ترد لشفافهه

ضحكـتهه ترد لشفافهه

-----------------

20/آذار/2022

سـتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.