اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

كـتـاب ألموقع

حايط انصَـيـّـص// ميسون الرومي

تقييم المستخدم:  / 0
سيئجيد 

ميسون الرومي

 

عرض صفحة الكاتبة 

حايط انصَـيـّـص

مهداة الى ثوار تشرين

ميسون الرومي

 

هـذا (العراق) الچان هيـبه اوتـرافـَه

-(حايط انصَـيـّـص) صار مَحَّد يِخافـَه

***

مَحَّـد يِخافـَه حيـف .. والكـل تـنـِهـشـَه

-(قُمـْبـر) اوكومه اسلاح .. امن الجَو تضربه

***

امن الجَو تضربه اتراك ويـّاهـّه إيران

كـِتلوْ شعبنه اشرار.. رَوْعـَـوْ السكان

***

رَوْعـَـوْ شعبنه اشرار محـَّـد يـِكعـْـهم

سـافـل حرامي اليوم .. للوطن يحكم

***

للوطن يحكم حيـف لملوم اجانـَه

موت اوخراب اديار اشبعنه مهانه

***

اشبعنه مهانه اوذل .. صار النه عقدين

واللي گبلهه اعقود .. شو جـَـنـَّـه ميتين

***

شو جـَـنـَّـه مـِـتـْـنـَـه ليش نتحـَـمـّـل الذل

من الظلم والجور شـو .. صرنه منـخل

***

عيشة ظلم ياناس .. والنفط مبيـوگ

عند الغرب الفلوس .. والبلد محروگ

***

هدَّوْ علينه اذناب ! خربوْ وطنه

صار العراق ارماد ! بالفگرعشنه

***

بالفگر عشنه اسنين .. ضاگت علينه

هبّ الشـباب اليوم .. لازم نعـيـنـَه

***

هب الشباب اليوم .. يـنقـذ وطـَـنـَّه

الولدك تصير أسـْـوارْ .. ها يا شعبنه

***

-(تشرين) هذا الثار .. يـِعـْـدل الميزان

الثـوره نـار اونـور.. وابـكـل الأزمان

***

وانحاسـب (الأوغـاد) والبـاع الاوطان

يضويي العراق ايشع بـ (اطيافه) للوان

---------------------------------------------

بمناسبة الذكرى الثالثة لانتفاضة تشرين المجيدة

1 / تشرين الأول / 2022

ســـتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.