اخر الاخبار:
سقوط مدني ضحية بقصف جوي تركي شمال دهوك - الخميس, 18 تموز/يوليو 2024 09:01
قصف بطائرة مسيرة يستهدف قرية في السليمانية - الأربعاء, 17 تموز/يوليو 2024 08:48
  • Font size:
  • Decrease
  • Reset
  • Increase

كـتـاب ألموقع

العشــگ طبعـَه كـلف// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

العشــگ طبعـَه كـلف

ميسون نعيم الرومي

 

مشتاگه روحي اوترف – عاشگ امضيع ولف

عشگ البلابل للتمر – والعشگ صعبه .. كلف

للنورس اوجرف النهر – للناي محله العزف

لخيوط الشمس وي الفجر – والشوگ يوجع صلف

مشتاگه روحي اوترف

غرگان تيهله جرف

***

الروح عطشانه تحن – البستان الورد للنخله

وابشعري مظفورالسعف – التز والوذ ابظله

يايادجله يالمايك دوه – لچفوفي حنه الدهله

امشي والوبح وانتظر- والگلب ما يوم اوسله

عاشگ اوضيع هله

عاشگ وابدا ما سله

***

اضحك واسولف غصب – والگلب بي غصه

راح العمر مر الوكت – قصتنه صارت قصه

ثروات كلهه اتقسمت – كلمن يدور حصته

كلشي خرب شفنه العجب – لو تحچي لازم رخصه

دستور حسب الطلب

لعبو لعب .. وابنصه

***

مشتاگكه روحي اوترف

والعشگ طبعه كلف

آخ الزمان اشگد صلف

اشگد صلف

---------------------------------------------

آيار / 2023

سـتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.