كـتـاب ألموقع
الزمن دوار// ميسون نعيم الرومي
/ 0
- المجموعة: ميسون نعيم الرومي
- تم إنشاءه بتاريخ الأحد, 06 تموز/يوليو 2025 10:45
- كتب بواسطة: ميسون نعيم الرومي
- الزيارات: 1071
ميسون نعيم الرومي
الزمن دوار
ميسون نعيم الرومي
متفقه كلهه اليوم تمحي الأدلـَّه
لو يطلع المستور .. يفضح الشِـلـَّه
***
هذا النفط بالگاع .. نقـمه علينه
لو يخلص او نرتاح .. چاما بچينه
***
رَيفوْ بلدنه اشرار .. هجموْ صرحنه
حكمونه بس اوغاد .. ينحـَـب وطنـَّه
***
شفنه الظلم لوعات .. شفنه المصايب
مربوده يا بغداد .. ماضل حبايب
***
اتريـّـفت بغــداد .. تنحب حزينـه
والخضره لبغداد .. صارت مدينه!
***
ما شفنه حاكم دام والزمن دوّار
يكنسهم التاريخ وياهم العار
***
يوم او يجيهم يوم ماتنفع افلوس
لاحفره جوه الگاع لا كرسي منحوس
***
ملچومه هاي الروح تعزف ربابه
ونـَّـت ونين الناي .. تـقره عتابـه
***
هذا العراقي دوم روحه حزينه
من كثر حزن البيه نسمع ونينه
***
يا روحي بسچ عاد بسچ تحنين
راح الوكت چم دوب وانتِ تنوحين
----------------------------------------
5 / تموز / 2025
ستوكهولم
المتواجون الان
872 زائر، ولايوجد أعضاء داخل الموقع
