كـتـاب ألموقع
شو خضر العاگول// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الإثنين, 06 آذار/مارس 2017 20:37
- كتب بواسطة: ميسون نعيم الرومي
- الزيارات: 2584
شو خضر العاگول
ميسون نعيم الرومي
ياعـود السفـَـرْجـَـل ياغصن بان
ياسنبل حصاد الشعر ع المتنين
يريحة مسچ والهيل وي قداح
يابحر العشگ وايفيض ع الجنبين
والبسمه سحر تغوي الگمر بسماه
نلم ليلو اونجم مرجان ع الخدين
اسـحـَن بالگلب تتحـَنـَّه بـيه الإيـد
والـِمـَّـن بالدمع وانثر على الجدمين
ياليل السهر والسهر هـَـدّ الليل
يچوي بالجفـن واتمولح العينين
اكحل بالرمش لو مر ذكر طرواك
يتفـّاح خـَـدَّك ياعـَـسـَـل وي تيـن
ازرع بالورد شـو خضر العاگول
وانـطر بالعـمر هالغـَرّبـت لسنين
نركض عَ السـَـراب الماي شح اوراح
يادنـيـَّة غـَـدر يالوفـَه الشايـل ويـن
ياطير البراري التاه بين اغصان
يتسله يظل والعين عَ الصوبـيـن
ياقصة عشگ والشمع عمرَه ادموع
يـبچي عَ الجـرَه والگـَـلب رايح ويـن..؟
-------------------
آذار / 20117
سـتوكهولم
المتواجون الان
599 زائر، ولايوجد أعضاء داخل الموقع