كـتـاب ألموقع
اوجوه الكالحه// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الأحد, 09 أيار 2021 19:15
- كتب بواسطة: ميسون نعيم الرومي
- الزيارات: 1807
ميسون نعيم الرومي
اوجوه الكالحه
ميسون نعيم الرومي
الطهران شغله خزمچي – للشعب يوعد بس حچي
لاشفنه منـَّـه فد عمل – عَ الكرسي لازگ مرتچي
ايشكل لجان اوفرحان – مابيه خير اليرتجي
ينقل رسائل واخبار – للجاره صاير بوستچي
(يتقاسم اوربعه) الوطن – امكيف اوگاعد منتچي
تتكرر اوجوه الكالحه – سافل عميل اكلاوچي
صايع اوضايع بالدول – يحلم ابشغلة سفرچي
التموا علينه أشكال – قصتنه قصه تنحچي!
دجلتنه باعوه اوفرات – نشكيهم المن نرتجي؟
أهوار تصرخ تحتضر – وين الينقذچ يجي؟
ابكل عام ينعاد اوسنه – للحنطه حرگ الينبچي
نصه اله اونصه اله – احسن البيهم سختچي
لا علم عدهم لا فهم – يصلح الواحد (چشمچي)-
تهريب تزوير اونهب – اشتغلوا شغل ما ينحچي
ملايه دلاله قسم – صارن (هوانم) حچي
جوعان عريان الشعب – شابع لطم شابع بچي
-----------
ستوكهولم
8 / آيار / 2021
المتواجون الان
383 زائر، ولايوجد أعضاء داخل الموقع